Joze Mourinyo “Tottenhem” klubunun baş məşqçisi təyin edildi

İngiltərənin “Tottenhem” klubu yeni baş məşqçisinin adını açıqlayıb.

1news.az-ın məlumatına görə, bu, portuqaliyalı məşqçi Joze Mourinyodur. Onunla 2023-cü ilə kimi müqavilə imzalanıb. Portuqaliyalı mütəxəssis bu vəzifədə ötən gün istefaya göndərilən Maurisio Poçettinonu əvəzləyib.

“Joze ən yaxşı məşqçilərdən biridir. Onun çox yaxşı təcrübəsi var. Biz əminik ki, Joze komandamıza yeni enerji və ruh yüksəkliyi gətirəcək”, – deyə klub prezidenti Daniel Levi bildirib.

Qeyd edək ki, Mourinyo son olaraq digər Premyer Liqa təmsilçisi "Mançester Yunayted"i çalışdırıb. O, 2018-ci ilin dekabırında istefaya göndərilmişdi.

1news.az