Siqaret və məşq ölümə yaxınlaşdırır - Baş narkoloq
Moskvanın baş narkoloqu Valeri Lıkov siqaret çəkənlər üçün idmanın zərərlərindən, eyni zamanda elektron siqaretin mənfi tərəflərindən danışıb.
1news.az-ın Publika.az-a istinadən verdiyi xəbərə görə, həkim bildirib ki, elektron siqaret adi siqaret qədər təhlükəlidir və pis vərdişdən yaxa qurtarmağa kömək etməyəcək:
"O, stressi aradan qaldırmır. Əksinə, orqanizmi tüstü ilə zəhərləyir. Siqaretin fəsadlarını idmanla kompensasiya etmək mümkün deyil. Siqaret və məşq ürək-damar sisteminə mənfi təsir edir. Xəstəlik riskini yüksəldir. Araşdırma sayəsində məlum olub ki, siqaretdən imtina edən şəxslərdə 3-9 ay sonra tənəffüs sistemi 10% bərpa olunur. 5 ildən sonra isə infarkt riski 2 dəfəyədək azalır".
1news.az
771