Türkiyəli həkimlər Bakıda ürək qüsurlu uşaqları müayinə edəcəklər
Türkiyənin həkimləri Mərkəzi Gömrük Hospitalında ürək qüsurlu uşaqları müayinə edəcəklər.
Bu barədə 1news.az-a sözügedən hospitaldan məlumat veriblər. Məlumata görə, Mərkəzi Gömrük Hospitalının həkim heyəti Türkiyənin məşhur Florence Nightingale Xəstəxanalar Qrupunun ürək-damar cərrahı professor Bülent Polat, pediatr-neonatoloqu Ozan Uzunhan ilə birlikdə 16-17 dekabr və pediatrik kardioloqu professor Yalım Yalçın 16 dekabr tarixlərində ürək qüsurlu balaca pasiyentləri qəbul edəcək, onları müayinə edib zəruri müalicə təyin edəcəklər.
Müayinələrə yazılmaq üçün (012) 404-08-08 telefon nömrəsinə zəng vura və ya (050) 404-08-08 WhatsApp nömrəsinə yaza bilərsiniz.
Qeyd edək ki, Florence Nightingale Xəstəxanalar Qrupu Mərkəzi Gömrük Hospitalının rəsmi tərəfdaşıdır.
1news.az
