Məktəblərdə beş günlük payız tətili başladı | 1news.az | Xəbərlər
Cəmiyyət

Məktəblərdə beş günlük payız tətili başladı

1news Redaksiyası09:26 - Bu gün
Məktəblərdə beş günlük payız tətili başladı

Bu gündən 2026-2027-ci tədris ili üzrə ümumi təhsil müəssisələrində beşgünlük payız tətili başlayıb.

1news.az xəbər verir ki, payız tətili noyabrın 20-ə qədər davam edəcək.

Şənbə-bazar günləri nəzərə alınmaqla payız tətilindən sonra ilk dərs günü altı günlük iş həftəsi ilə işləyən ümumi təhsil müəssisələrində noyabrın 21-i, beş günlük iş həftəsi ilə işləyən ümumi təhsil müəssisələrində isə noyabrın 23-də olacaq.

Bununla yanaşı tətil ümumi təhsil müəssisələrinin məktəbəhazırlıq qruplarına da şamil edilir.

Qeyd edək ki, payız tətili “Ümumi təhsil müəssisələrində tədris ilinin müddəti”nin təsdiq edilməsi haqqında” Nazirlər Kabinetinin 24 fevral 2020-ci il tarixli 66 nömrəli Qərarının tələblərinə uyğun olaraq müəyyən edilib.

Paylaş:
47

Son xəbərlər

Bütün xəbərlər