Prezident İlham Əliyev Simonetta Sommaruqanı təbrik edib | 1news.az | Xəbərlər
Rəsmi

Prezident İlham Əliyev Simonetta Sommaruqanı təbrik edib

15:45 - 24 / 12 / 2019
Prezident İlham Əliyev Simonetta Sommaruqanı təbrik edib

Azərbaycan Respublikasının Prezidenti İlham Əliyev İsveçrə Konfederasiyasının yeni seçilmiş Prezidenti Simonetta Sommaruqaya təbrik məktubu ünvanlayıb.

1news.az-ın dövlət başçısının rəsmi saytına istinadla verdiyi xəbərə görə, məktubda deyilir:

"Hörmətli xanım Sommaruqa,

İsveçrə Konfederasiyasının Prezidenti vəzifəsinə seçilməyiniz münasibətilə Sizi səmimi qəlbdən təbrik edirəm.

İnanıram ki, yenidən dövlət başçısı kimi fəaliyyət göstərəcəyiniz qarşıdakı dövrdə Azərbaycan ilə İsveçrə arasındakı dostluq və əməkdaşlıq münasibətlərinin daha da inkişafı və möhkəmləndirilməsi istiqamətində səylərimizi davam etdirəcəyik.

Fürsətdən istifadə edərək Yeni, 2020-ci ilin gəlişi münasibətilə Sizə təbriklərimi və ən xoş arzularımı yetirirəm".

S.Xankişiyeva

 

 

Paylaş:
613

Son xəbərlər

Bütün xəbərlər