Məşhur Azərbaycan oteli müvəqqəti olaraq təmirə bağlanır – FOTO

Qəbələdə yerləşən Qafqaz Resort Hotel öz fəaliyyətini müvəqqəti olaraq dayandırır.

Həm azərbaycanlı, həm də xarici qonaqlar tərəfindən ən çox tanınan ve sevilən Qəbələ otellərindən biri olan – Qafqaz Resort Hotel – yanvar ayında başlayacaq irimiqyaslı təmir planı çərçivəsində bağlanır və may ayında otel yenidən öz qapılarını qonaqlar üçün açacaq.

Qafqaz Resort Hotel 98 lüks nömrədən ibarətdir. Otelin standart, yarılüks, kral otağı, prezident apartamentləri, kral lüks və ailəvi lüks kateqoriyalardan ibarət nömrələri təmirlə əlaqədar müvəqqəti olaraq may ayına kimi qonaqları qəbul etməyəcək.

Hoteli əsaslı təmir gözləyir – qarşıda olan təmir işləri bütünlüklə Qafqaz Resort Hotelə şamil olunacaq, bunlar həm eksteryerin, həm də interyerin yenilənməsi ilə qonaqlarda uzun illər unudulmaz təəssüratlar yaradacaq.

Qafqaz Resort Hotel Qəbələdə ilk beşulduzlu otel olmaqla 2008-ci ildən fəaliyyət göstərir.

Rəsmi veb səhifə - https://qafqazhotels.com/

Facebook - https://facebook.com/qafqazhotels/

Instagram - https://www.instagram.com/qafqazhotelsandresorts/

1news.az