Türkiyədə koronavirusdan ölənlərin sayı 3 mini keçdi

Türkiyədə son 24 saat ərzində daha 89 nəfər yeni növ koronavirusdan (COVİD-19) dünyasını dəyişib.

1news.az-ın verdiyi xəbərə görə, bu barədə öz Twitter səhifəsində Türkiyənin səhiyyə naziri Fəxrəddin Qoca bildirib.

“Koronavirusdan ölənlərin ümumi sayı 3 081 nəfərə çatıb.

Onun sözlərinə görə, ölkədə 2 936 yeni yoluxma halı qeydə alınıb, yoluxanların ümumi sayı 117 589 nəfərə çatıb.

Nazir əlavə edib ki, sağalanların ümumi sayı 44 022 nəfər təşkil edir.

S.Xankişiyeva