Azərbaycanda minik avtomobillərinin istehsalı azalıb
Bu ilin yanvar-may aylarında Azərbaycan 672 ədəd minik avtomobili istehsal olunub ki, bu da ötən ilin analoji dövrü ilə müqayisədə 27% və ya 248 ədəd azdır.
1news.az xəbər verr ki, bu barədə dövlət Statistika Komitəsinin dərc etdiyi hesabatda deyilir.
Hesabatda həmçinin qeyd olunub ki, cari ilin ilk beş ayında ölkədə 105 ədəd traktor istehsal olunub. Bu göstərici ötən ilin eyni dövrü ilə müqayisədə 82% azdır.
Ümumiyyətlə, hesabat dövründə maşın və avadanlıqların, sair nəqliyyat vasitələrinin, avtomobil, qoşqu və yarımqoşquların istehsalı sahələrində 127,7 mln. manatlıq məhsul istehsal edilib ki, əvvəlki ilin müvafiq dövrü ilə müqayisədə avtomobil, qoşqu və yarımqoşquların istehsalı 2,3 dəfə, sair nəqliyyat vasitələrinin istehsalı isə 37,6% artıb, maşın və avadanlıqların istehsalı isə 8,2% azalıb.
1news.az
