Baş Prokurorluq “Qarabağ” futbol klubunun nümayəndəsi ilə bağlı açıqlama yayıb
Baş Prokurorluq “Qarabağ” futbol klubunun nümayəndəsi Nurlana İbrahimovun milli dözümsüzlük göstərərək Facebook sosial şəbəkəsində yaydığı paylaşımla bağlı açıqlama verib.
N.İbrahimov qanunazidd paylaşımlara görə məsuliyyətə cəlb olunacaq.
1news.az-ın verdiyi xəbərə görə, bu barədə Azərbaycan Baş Prokurorluğunun yaydığı bəyanatda deyilir.
Baş Prokurorluğun açıqlamasında qeyd olunur ki, oktyabrın 28-də “Qarabağ” futbol klubunun mətbuat xidmətinin rəhbəri olan N.İbrahimovun Facebook sosial şəbəkəsindəki hesabında müharibənin aparılmasına dair konvensional qaydalara, həmçinin qanunvericiliyin tələblərini pozan paylaşım edib.
Statusda deyilirdi: “Biz erməniləri öldürməliyik. Uşağını, qadınını, yaşlısını, fərqi yoxdur necə bacarırıqsa, kim gəldi öldürməliyik”.
Yuxarıda göstərilən hərəkətlərə görə Azərbaycan Baş Prokurorluğunun Nurlan İbrahimovu "İnformasiya, informasiyalaşdırma və İnformasiyanın mühafizəsi haqqında" Qanunun tələblərini pozduğu üçün məsuliyyətə cəlb etdiyi bildirilir.
N.İbrahimov statusunda milli, irqi, sosial və ya dini zəmində nifrət ifadə edildiyi, bununla əlaqədar ona rəsmi xəbərdarlıq edildiyi və İnzibati Xətalar haqqında işin Abşeron Rayon Məhkəməsinə göndərildiyi vurğulanır.
Qeyd edək ki, bu cür aktlarda cərimə şəklində inzibati tədbirlər nəzərdə tutulur.
S.Xankişiyeva