Elman Rüstəmov: İstəyirik, ölkədə bank kredit faizləri birrəqəmli olsun

"Azərbaycandakı banklarda kredit faizlərinin aşağı salınması məsələsi bizi də düşündürür. İstəyirik ki, ölkədə birrəqəmli faizlər olsun".

1news.az-ın APA-ya istinadən verdiyi xəbərə görə, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında Mərkəzi Bankın sədri Elman Rüstəmov deyib.

Mərkəzi Bankın sədri bildirib ki, bu gün formalaşan faizlərin arxasında çox ciddi obyektiv reallıqlar var: "Əmanət faizləri əsas bankların resurslarıdır. Xərc baxımından, təklif baxımından bu faizlər yuxarıdır. Bu gəlirlilik, risk amilləri ilə bağlıdır. Biz ilk növbədə risk amillərini aşağı salmalıyıq".

1news.az