Azər Türk Bank səmərəli fəaliyyətini davam etdirir
Dövlət bankı Azər Türk Bank haqqında bəzi saytlarda həqiqətə uyğun olmayan, tamamilə əsassız neqativ informasiya tirajlanaraq verilmişdir. Əlbəttə ki, belə arzuolunmaz cəhdlər Bankın səmərəli fəaliyyətinə kölgə sala bilməz.
Məlumdur ki, ötən il dünya miqyasında başlayan təbəddülatlar ölkəmizdən də yan keçməmiş, bununla əlaqədar olaraq, əhalinin sosial rifahının qorunması və iqtisadi inkişafın davamlığının təmin edilməsi məqsədi ilə respublikada mühüm işlər görülmüş və davam etdirilir.
Fərəhlə qeyd edə bilərik ki, Azər Türk Bankın kollektivi hər zaman olduğu kimi ötən il ərzində də əzmlə çalışmış və çox da rəvan olmayan 2020-ci ili bir çox sahələr üzrə uğurla başa vurmuş, Banka mənfəət qazandırmışdır.
1 yanvar 2021-ci il tarixinə Bankın məcmu kapitalının adekvatlığı 31%, leverec əmsalı 13% təşkil etmişdir ki, bu da müəyyən edilmiş normalardan 3 dəfəyə qədər yüksəkdir.
Həmin tarixə Bankın likvidlik mövqeyi stabil və güclüdür. Əsas likvidlik əmsalları—ani likvidlik 89% (norma 30%-dir), cari likvidlik 119% (norma 50%-dir), Bazel komitəsinin LCR əmsalı (Likvidliyin örtülmə əmsalı) – 256% (bazel standartı 100%-dir) təşkil etmişdir.
Bütün bunlara görə, 2020-ci ildə Bankın müştərilərinin sayı 45% artaraq, 95 915 nəfər olmuşdur.
Azər Türk Bank müştərilərə təklif olunan bank xidmətlərinin keyfiyyətini daha da yüksəltmək məqsədi ilə özünün xidmət şəbəkəsinin müasir dövrün tələblərinə tam uyğunlaşdırılması istiqamətində 2020-ci ildə də fəal iş aparmışdır.
Buna misal olaraq Bankın ötən il müştərilərin istifadəsinə verdiyi “Rəqəmsal” adlı yeni filialını göstərə bilərik. Bu filial Azər Türk Bankın qurduğu biznes ekosistemində özünəməxsus yeri olan və Bankın yeni innovativ xidmət şəbəkəsində, həmçinin ölkə bank sistemində bir ilkdir.
Bankın “Mərkəz” və “Bakı” filialları Azər Türk Bankın yeni konsepsiyasına uyğun qurulmuş, müasir bankçılığın standartlarına tam cavab verən məkanlarda tezliklə fəaliyyətlərini davam etdirəcəklər. Burada bütün xidmət və məhsullar, əməliyyatlar elektron formatda təklif olunacaqdır.
Görülən tədbirlər sırasında növbəti addım iki yeni xidmət strukturunun - şəhərin mərkəz hissəsində və metronun “20 yanvar” stansiyası yaxınlığında yeni, modern filialların istifadəyə verilməsi olacaqdır. Üstün xidmət səviyyəsi təqdim olunacaq bu filiallarda müştərilərə geniş bank xidmətləri göstəriləcəkdir.
“Azər Türk Bank” ASC-nin səhmlərinin 75 faizi dövlətə məxsusdur və Bank dövlət əhəmiyyətli layihələrin ərsəyə gəlməsində fəal iştirak edir.
Reklam hüququnda
