Prezident İlham Əliyev mətbuat konfransında mühüm mesajlar verdi | 1news.az | Xəbərlər
Siyasət

Prezident İlham Əliyev mətbuat konfransında mühüm mesajlar verdi

S.Xankişiyeva17:14 - 27 / 02 / 2021
Prezident İlham Əliyev mətbuat konfransında mühüm mesajlar verdi

Azərbaycan Prezidenti İlham Əliyev fevralın 26-da yerli və xarici jurnalistlər üçün mətbuat konfransında mühüm məsələlərə toxundu.

Mətbuat konfransında dövlətimizin başçısı jurnalistlərin suallarına cavab olaraq əsasən İkinci Qarabağ müharibəsinin başlamasının səbəbləri, müharibənin gedişi və 10 noyabr razılaşmasının imzalanmasından sonra mövcud vəziyyət və regionda baş verən proseslər haqqında ətraflı şəkildə fikirlərini ifadə etdi. Dövlətimizin başçısı xarici media nümayəndələrinin bütün suallarını təmkinlə və ətraflı cavablandırdı və Azərbaycana qarşı dezinformasiya yaymaq istəyənləri yerindəcə tərksilah etdi.

1news.az-ın verdiyi xəbərə görə, bu fikirləri Milli Məclisin Beynəlxalq münasibətlər və parlamentlərarası əlaqələr komitəsinin sədr müavini, YAP-ın Beynəlxalq əlaqələr şöbəsinin müdiri Sevinc Fətəliyeva bildirib.

S.Fətəliyeva vurğulayıb ki, dövlətimizin başçısı çoxsaylı əcnəbi jurnalistlərin iştirak etdiyi mətbuat konfransında Xocalı soyqırımı ilə bağlı əsl həqiqətləri bir daha dünya ictimaiyyətinin diqqətinə çatdırdı, eləcə də regionun gələcəyi üçün mühüm mesajlar verdi. Prezident artıq regionda yeni bir dövrün başladığını vurğuladı. Bildirdi ki, işğaldan azad olunmuş ərazilərdə həyata keçirilən bərpa və quruculuq işlərini uğurla başa çatdırmaq indi Azərbaycanın əsas hədəfidir. Ölkəmizin bu prosesi müvəffəqiyyətlə həyata keçirmək üçün bütün imkanları var. İşğaldan azad edilmiş ərazilər bərpa olunduqdan və keçmiş məcburi köçkünlər öz evlərinə qayıtdıqdan sonra Azərbaycan üçün yeni iqtisadi imkanlar açılacaq.

Dövlətimizin başçısı mətbuat konfransında bildirdi ki, münaqişənin həllində bizim niyyətimiz hər zaman aydın və səmimi olub. Ancaq Ermənistan hökumətinin bizə heç bir santimetr torpağı belə geri qaytarmaq niyyətində olmadığını görən Azərbaycan yay aylarında törədilən hərbi təxribatlardan sonra adekvat cavab verməyə məcbur qaldı. Azərbaycan Prezidenti diqqətə çatdırdı ki, biz bu gün onu müzakirə edirik ki, bölgədə davamlı, dayanıqlı sülh və təhlükəsizlik olsun. Bunun yeganə yolu isə əməkdaşlıqdır. Məqsədimiz artıq üçtərəfli qaydada – Ermənistan və Rusiya ilə birlikdə kommunikasiyaların bərpası, Zəngəzur dəhlizinin yaradılması və nəqliyyat baxımından bütün maneələri aradan qaldırmaqdır. Bu, baş tutduğu təqdirdə, bundan Ermənistan da xeyir görəcək.

Prezident İlham Əliyev mesaj verdi ki, regionda sülh üçün daha bir şərt ondan ibarətdir ki, Ermənistan siyasi dairələri anlamalıdırlar, hər hansı bir revanş və ya qisas cəhdləri Azərbaycan tərəfindən ciddi şəkildə cəzalandırılacaq. Dövlətimizin başçısı xəbərdarlıq edib ki, burada hər hansı bir revanşizm və qisas cəhdləri olmamalıdır. 10 noyabr Bəyanatı Ermənistan tərəfindən tam icra olunmalıdır və sülh tədricən addım-addım regiona gələcək.

Prezident bir daha bəyan etdi ki, Qarabağın həm aran, həm də dağlıq hissəsi Azərbaycanın ayrılmaz tərkib hissəsidir. Bunu hər kəs anlamalıdır. O cümlədən Qarabağdakı separatçıların da son cəhdləri əbəsdir. Bu torpaqlarda yaşamış azərbaycanlılar geri qayıdacaqlar. Dövlətimizin başçısı bu barədə mövqeyini birmənalı şəkildə bəyan etdi.

Bütövlükdə Prezident İlham Əliyevin mətbuat konfransı miqyası və əhatəliliyi baxımından mühüm əhəmiyyət kəsb edir.

Paylaş:
415

Son xəbərlər

Azərbaycan-İraq əlaqələrinin inkişafı müzakirə olunub - FOTO18 / 03 / 2024, 21:05Zəngilan, Cəbrayıl və Qubadlıda sənaye zonaları yaradılacaq18 / 03 / 2024, 17:45Martın 1-dən 15-dək 19 mindən çox vətəndaş Elm və Təhsil Nazirliyinə müraciət edib18 / 03 / 2024, 17:33Ceyhun Bayramov Çanaqqala zəfərinin ildönümü münasibətilə Türkiyəni təbrik edib18 / 03 / 2024, 17:11Ötən həftə azad olunmuş ərazilərdə 38 mina aşkarlanıb18 / 03 / 2024, 17:02Süni intellekt əvəzinizə mahnı yaradacaq - FOTO18 / 03 / 2024, 16:48“Ali Məhkəmənin tətbiq etdiyi yeni sistem hamı üçün faydalıdır” – RƏYLƏR18 / 03 / 2024, 16:34Cənubi Qafqazın sülh təşəbbüskarları18 / 03 / 2024, 16:34Böyük Britaniya kralı III Çarlz vəfat edib18 / 03 / 2024, 16:20“Gənclik” metrostansiyasının yanında yeni nəqliyyat mübadilə mərkəzi yaradılıb18 / 03 / 2024, 16:13İlham Əliyev Xankəndinin Azərbaycan torpağı olması ilə bağlı bir sıra faktları açıqlayıb18 / 03 / 2024, 16:04Xankəndinin mərkəzi meydanına “Zəfər meydanı” adı verilib18 / 03 / 2024, 15:58İraq Respublikasının Prezidenti Azərbaycan nümayəndə heyətini qəbul edib - FOTO18 / 03 / 2024, 15:48Tamstore 25-ci marketini açır – işçi sayı 1200-ü keçdi18 / 03 / 2024, 15:41İlham Əliyev Novruz bayramı münasibətilə Azərbaycan xalqını təbrik edib18 / 03 / 2024, 15:38Silk Way West Airlines daha bir Boeing 777 Freighter ilə donanmasını yeniləməyə davam edir18 / 03 / 2024, 15:33İran, Belarus və Rusiyadan Azərbaycana gətirilən qidalarda uyğunsuzluqlar aşkarlanıb18 / 03 / 2024, 15:20Ceyhun Bayramov ABŞ Dövlət Departamentinin Qafqaz danışıqları üzrə baş müşaviri ilə görüşüb18 / 03 / 2024, 15:12Bayramda Xaqani parkına yaxın bəzi küçələrdə hərəkətə məhdudiyyət qoyulacaq18 / 03 / 2024, 14:58Bakıda mənzildən meyit tapılıb18 / 03 / 2024, 14:49
Bütün xəbərlər