“Heç nə düşünmədən şirin qabağına atıldım” - Dəhşətli olayın qəhrəmanı - FOTO | 1news.az | Xəbərlər
Cəmiyyət

“Heç nə düşünmədən şirin qabağına atıldım” - Dəhşətli olayın qəhrəmanı - FOTO

17:56 - 19 / 04 / 2021
“Heç nə düşünmədən şirin qabağına atıldım” - Dəhşətli olayın qəhrəmanı - FOTO

-Təşəkkür edirik, cavan oğlan. Belə oğula görə çox sağ ol, Azərbaycan xalqı;

-Əziz qardaşımız, sən özün bir şirsənmiş;

-Afərin. Başqa cür necə ola bilərdi? Axı o azərbaycanlıdı;

-Sən əsil kişisən...

1news.az lent.-az-a istinadən xəbər verir ki, bu sözləri ukraynalılar yazırlar sosial şəbəkələrdə. Azərbaycanlı, əslən Sabirabaddan olan Raqif haqqında. O Raqif ki bir anın içində etdiyi hərəkətlə Ukraynada günün mövzusuna çevrilmişdi.

Bayaq dedik, əslən Sabirabaddandı. Yolçubəyli kəndindən. Uzun müddət Ukraynada, Kiyevdə yaşayıb. Özünə kiçik biznes qurub. Evlənib, iki uşağı da var.

Elə hadisə də Kiyevdə baş verib.

Şəhər kənarındakı Brovarı stansiyasında elektrik qatarı gözləyirmiş. Əslində təsadüf onu Brovarıya aparıb çıxarıbmış. Bir yaxın dostu stansiyanın yaxınlığında meyvə-tərəvəz satışıyla məşğul olurmuş. Onu görməyə gəlibmiş.

Yaxşısı odur ki, ardını qoy özü danışsın:

- Bir az dərdləşdik dostumla. Sağollaşıb stansiyaya tərəf getdim. Çünki bir azdan elektrik qatarı gələcəkdi. Əslində bura gələndə də, çıxıb gedəndə diqqətimi səyyar sirk ustaları cəlb etmişdi. Stansiyanın yaxınlığında bir neçə yerdə alabəzək çadırlar qurmuşdular. Görünür elə ətrafdakı meydanda da çıxış edirdilər. Düzü, ürəyim istədi ki, qalım tamaşalardan birinə baxım. Amma şəhərdə işim vardı, mütləq qayıtmalıydım.

Amma Raqifin hardan ağlına gələrdi ki, o, həmin gün Kiyevə gedə bilməyəcək. Çünki elə bir hərəkət edəcəkdi ki...

- Mən haradasa əlli metr uzaqlıqda idim. Sirkin çadırlarının bir tərəfində volyerlər vardı. Müxtəlif heyvanların saxlandığı volyerlər. Amma maraqlısı odur ki, volyerlərin çərçivələri çox aralıydı. İnsanlar səyyar kassaya yaxınlaşıb bilet alır, tamaşanın başlanmasını gözləyirdilər. Bir gənc ana da iki uşağıyla bilet alıb gözləyirmiş. Bu vaxt onun oğlu anasının diqqətindən yayınıb nəhəng bir şirin olduğu volyerin içinə girmişdi. Mən dəhşətli qışqırıq səsinə diksindim. Bir də gördüm ki...

Hə, bir də görür ki, həmin nəhəng şir necə deyərlər, göydəndüşmə qurbanını artıq pəncəsinin altına alıb.

- Çox dəhşətli səhnə idi. Uşağın başı artıq şirin ağzındaydı. Hər an qopara bilərdi. Mən düşünmədən ora qaçdım. Ətrafda ələ götürüləsi heç nə yox idi. Volyerin kənarında daş parçasını gördüm. Qapısını açıb içəri girdim. Başladım daşla şirin başına-başına vurmağa. Ağır zərbələrdən şir uşağın başını buraxdı. Bu dəfə mənə tərəf çevrildi. Daş da əlimdən düşdü. Yox, qorxudan yox, sadəcə sürüşüb düşdü. Amma özümü itirmədim. Volyerin böyründə çadır qurmaq üçün taxtalar var idi. Birini əlimə alıb tullandım şirin qabağına və bu dəfə əlimdəki taxtayla onu vurmağa başladım. Şir də sakit durub mənim onu vurmağıma baxmırdı. Bir neçə dəfə pəncə də atdı, amma yayına bildim.

Bayaq dedim, şir çox böyük idi. Hər an üstümə tullana bilərdi, parçalayardı. Biz onunla bir neçə dəqiqə necə deyərlər, savaşdıq. Amma təlimçi özünü yetirməsəydi, vəziyyət yaxşı olmaycaqdı.

Raqif deyir ki, nəinki bir dəqiqə, 30 saniyə geciksəydi, o uşağı xilas edə bilməyəcəkdi.

- Təsəvvür edin, uşağa demək olar ki, heç nə olmamışdı. Bir-iki yerdən üzü cızılmışdı azacıq. Heç ağlamırdı da. Bilirsinizmi niyə? Çünki baş verənlərin şokundan hələ ayılmamışdı.

Xüsusi təyinatlı qüvvələrdə xidmət edib Raqif Qasımov. Deyir, çevik hərəkətlər etməyi, şirin ona zədə verməsinə imkan yaratmamağı da elə bu qüvvələrdə yaranan vərdişlərlə bağlıdır. Elə qorxu hissinin olmaması da.

Baş verən hadisədən sonra Ukraynanın bir neçə telekanalı ondan, onun bu hərəkətindən süjetlər hazırlayıb.

- Azərbaycan telekanalları da müraciət etdilər, dəfələrlə dəvət aldım. Amma istəmədim. İlk sizə danışıram o hadisəni. Çünki mən bunu uşağa görə etdim. Həmin an bəlkə də kim olsa, mənim etdiyimi edərdi. Bir anlıq oldu hər şey. Tək düşündüyüm uşağı xilas etmək idi.

Bəs Raqif baş verənlərdən sonra o uşağı görübmü? Deyir ki, yox, heç maraqlanmadım da.

- Yəqin valideynləri, özü telekanallarda mənimlə bağlı süjetlərə baxıblar. Məni arayıb-axtarmadılar. Əslində bunu ummurdum da. Əsas odu, o, sağdı.

Hə, o! Raqif o uşağın heç adını belə bilmir axı...

1news.az

Paylaş:
98

Son xəbərlər

Türkmənbaşı limanına ilk dəfə yan alan “Azərbaycan” gəmi-bərəsi milli adət-ənənələrə uyğun qarşılanıb - FOTOLARBu gün, 11:49Sabahın HAVASI: 32 dərəcəyədək isti olacaqBu gün, 11:43Şəkidə avtoxuliqan saxlanılıb - FOTOBu gün, 11:16Allahşükür Paşazadə: “Ermənilər təkcə xalqımıza qarşı deyil, dini abidələrimizə qarşı da vandallıq törədiblər”Bu gün, 10:56Kamaləddin Qafarov: “Son illərdə Naxçıvanın iqtisadi, siyasi və hərbi potensialının dinamik şəklidə artması danılmaz faktdır”Bu gün, 10:32Mehriban Əliyevadan müsəlmanlara Şuşadan bayram TƏBRİKİBu gün, 10:26Şuşada 29 il sonra bayram namazı qılınıb - VİDEOBu gün, 10:20“Şaka” ləqəbli narkotacir saxlanılıbBu gün, 10:06Azərbaycanda Ramazan bayramı qeyd olunurBu gün, 09:58Saatlıda heyvan oğruları dəstə üzvləri saxlanılıb12 / 05 / 2021, 17:58Tanınmış musiqiçi 9 yaşında məcburi tərk etdiyi Cıdır düzünə 29 il sonra geri döndü - FOTO12 / 05 / 2021, 17:41Bu gün ölkə ərazisində 21604 nəfər vaksinasiya olunub - ümumi STATİSTİKA12 / 05 / 2021, 17:32Azərbaycanda 12 maya olan koronavirus STATİSTİKASI açıqlandı12 / 05 / 2021, 17:19Prezident: “Bu gün “Xan qızı” bulağı su içmişəm”12 / 05 / 2021, 16:53Heydər Əliyev Fondu tərəfindən nəşr olunan Azərbaycan bəstəkarlarının əsərlərinin notlarının toplusu Şuşada təqdim edilib - FOTO12 / 05 / 2021, 16:45“Dünyada Şuşaya bənzər şəhər görməmişəm, bəlkə də yoxdur” – İlham Əliyev12 / 05 / 2021, 16:15Lənkəranda evdə 3 kiloqramdan artıq narkotik aşkarlanıb12 / 05 / 2021, 16:12Xidmət rəsmisindən tövsiyə: Tətil günlərin milli parklarda keçirin12 / 05 / 2021, 15:56İlham Əliyev: Bundan sonra “Xarıbülbül” festivalı Şuşada hər il keçiriləcək12 / 05 / 2021, 15:54“OBA” marketlər şəbəkəsi Xocavənd rayonunun şəhid və qazi ailələrini ziyarət edib - FOTO - VİDEO12 / 05 / 2021, 15:51
Bütün xəbərlər

Next TV