İsraildə sinaqoqun tribunasının çökməsi nəticəsində 219 nəfər xəsarət alıb

Qüds yaxınlığında yerləşən Qivat-Zeev şəhərindəki sinaqoqda tribunanın çökməsi nəticəsində təxminən 219 nəfər xəstəxanaya yerləşdirilib.

1news.az xəbər verir ki, bu barədə "The Times of Israel" qəzeti yazıb.

Məlumata əsasən, yaralıların böyük əksəriyyəti (150-dən çox) yüngül xəsarətlər alıb, təxminən 10 nəfər orta dərəcəli bədən xəsarətləri ilə tibb müəssisələrinə müraciət edib.

On nəfərin isə vəziyyətinin ağır olduğu qeyd olunub. Onlardan 1 nəfəri vəfat edib. Ölüm sayının artacağı istisna edilmir.

1news.az