Mikayıl Cabbarov İsraildə işgüzar səfərdədir - FOTO | 1news.az | Xəbərlər
İqtisadiyyat

Mikayıl Cabbarov İsraildə işgüzar səfərdədir - FOTO

S.Xankişiyeva12:03 - 29 / 07 / 2021
Mikayıl Cabbarov İsraildə işgüzar səfərdədir - FOTO

Azərbaycan Respublikası Hökuməti ilə İsrail Dövləti Hökuməti arasında Birgə Komissiyanın həmsədri, iqtisadiyyat naziri Mikayıl Cabbarovun başçılıq etdiyi nümayəndə heyəti İsraildə işgüzar səfərdədir.

1news.az-ın verdiyi xəbərə görə, İsrailə səfər çərçivəsində iqtisadiyyat naziri Mikayıl Cabbarov bu ölkənin xarici işlər naziri Yair Lapidlə görüşüb. Görüşdə iki ölkə arasında qarşılıqlı hörmət və etimada əsaslanan dostluq əlaqələri diqqətə çatdırılıb.

Bildirilib ki, Azərbaycan və İsrail arasında əməkdaşlıq yalnız iqtisadi tərəfdaşlığa deyil, həm də ənənəvi tarixi-mədəni köklərə əsaslanır. Ölkəmizdə daim yəhudi icmasına böyük hörmət və müsbət münasibət mövcud olmuş, icma Azərbaycanın ictimai-siyasi həyatında mühüm rol oynamışdır. İsrail Azərbaycanın dövlət müstəqilliyini tanıyan, diplomatik əlaqələr yaradan ilk dövlətlərdəndir. Ölkələrimiz arasında qarşılıqlı etimadın formalaşmasında dövlət başçılarının səfər və görüşləri xüsusi əhəmiyyət kəsb edir. Vurğulanıb ki, İsrail Dövləti 44 günlük Vətən Müharibəsi dövründə və müharibədən sonra Azərbaycanı daim dəstəkləyib, Ermənistanın təcavüzü ilə bağlı İsraildə Azərbaycana dəstək xarakterli müxtəlif tədbirlər təşkil edilib, bəyanatlar səsləndirilib.

İqtisadiyyat naziri qeyd edib ki, Azərbaycan-İsrail Birgə Komissiyasının fəaliyyətinin aktiv şəkildə davam etdirilməsi üçün Azərbaycanın İqtisadiyyat Nazirliyi tərəfindən müvafiq işlər görülür, məlumat və əməkdaşlıq bazası genişləndirilir. Mikayıl Cabbarov bu ilin iyulunda təməli qoyulan Ələt Azad İqtisadi Zonası barədə məlumat verib və İsrail investorlarını iqtisadiyyatımızın müxtəlif sahələrinə sərmayə qoymağa dəvət edib.

Tərəflər iki ölkə arasında qarşılıqlı maraq doğuran digər məsələlərlə bağlı fikir mübadiləsi aparıblar.

Həmin gün iqtisadiyyat naziri Mikayıl Cabbarovun bu ölkənin inşaat və mənzil siyasəti naziri Zeev Elkinlə görüşü keçirilib.

Görüşdə ikitərəfli iqtisadi münasibətlərimizin gücləndirilməsi perspektivləri və yeni əməkdaşlıq imkanları, investisiyaların təşviqi, qeyri-neft sektorunda qarşılıqlı təcrübə mübadiləsi, həmçinin işğaldan azad olunmuş ərazilərimizin bərpası prosesi barədə müzakirələr aparılıb, İsrail şirkətlərinin Azərbaycanın işğaldan azad olunmuş ərazilərinin bərpası ilə bağlı layihələrdə iştirakda marağı ifadə olunub.

İsrailli nazirlər ölkələrində Azərbaycanın Ticarət və Turizm nümayəndəliklərinin açılmasını yüksək qiymətləndirib, tərəfdaşlığın, işgüzar dairələr arasında əlaqələrin genişləndirilməsi, biznes-dialoqun təşviqi üçün əhəmiyyətli platforma olacağını, qarşılıqlı əməkdaşlığın gücləndirilməsinə yeni imkanlar yaradacağını, kənd təsərrüfatı, İKT, investisiya, turizm kimi sahələrin inkişafına töhfə verəcəyini vurğulayıblar.

Paylaş:
362

Son xəbərlər

Xudatda narkotik dövriyəsində şübhəli bilinən 2 nəfər saxlanılıbBu gün, 18:04Ahıl və tənha vətəndaşlara qarşı yarım milyon manata yaxın dələduzluq edilibBu gün, 17:41Bakının Xocalı prospekti istiqamətində yol hərəkəti yenidən təşkil edilirBu gün, 17:22Monteneqro futbol millisinin qapıçısı 26 yaşında ölübBu gün, 17:01İsmayıllıda cücələrə su verən qadını elektrik cərəyanı vuraraq öldürübBu gün, 16:39Azərbaycan beynəlxalq axtarışda olan şəxsi Avstriyaya təhvil veribBu gün, 16:16Kənan Quluzadə: “COP29 çərçivəsində turistlər üçün 15 fərqli istiqamət təqdim olunacaq”Bu gün, 16:02Bu il iyunun 15-nə qədər “Şahdağ”dakı hotellərdə qalan turistlərin sayı açıqlandıBu gün, 15:55Kənan Quluzadə: 2024-cü ilin ilk 5 ayında ölkəyə gələn turistlərin sayında 35 faiz artım olubBu gün, 15:33Hakan Fidandan Azərbaycanla bağlı paylaşım edibBu gün, 15:27Azərbaycanda əczaçılıq məhsullarının istehsalı 30% artıbBu gün, 14:55Lənkəranda avtomobil su kanalına aşıb, 3 nəfər xəsarət alıbBu gün, 14:33Azad olunmuş ərazilərdə növbəti dəfə silah-sursat aşkar olunubBu gün, 14:16Tanınmış türk ilahiyyatçı vəfat edibBu gün, 13:59Gəncədə 14 yaşlı qızın nişanlanması ilə bağlı araşdırma başlanılıb - YENİLƏNİBBu gün, 13:45Ağdaşda lotereya biletləri oğurlayan keçmiş məhkum saxlanılıbBu gün, 13:32Kamaləddin Qafarov: “Azərbaycan bu gün qüdrətli bir dövlətə çevrilib”Bu gün, 13:01Sabahın hava proqnozuBu gün, 12:41Azərbaycan neftinin qiyməti 84 dolları keçibBu gün, 12:27Səfir: “Dəmirağacı parkı”ndan danışmaq mənə böyük şərəf hissi verirBu gün, 12:16
Bütün xəbərlər