Professor: “Ola bilər ki, pandemiya bitənə qədər 4-cü, 5-ci dozalara da zərurət yaransın” | 1news.az | Xəbərlər
Müsahibə

Professor: “Ola bilər ki, pandemiya bitənə qədər 4-cü, 5-ci dozalara da zərurət yaransın”

Qafar Ağayev10:13 - 23 / 08 / 2021
Professor: “Ola bilər ki, pandemiya bitənə qədər 4-cü, 5-ci dozalara da zərurət yaransın”

Sön vaxtlar ölkə ərazisində koronavirusa yoluxanların və ölənlərin sayında kəskin artım müşahidə olunur. Eyni zamanda, tam vaksin olunanlara 3-cü dozanın da vurulacağı barədə informasiyalar dolaşır.

Azərbaycan Tibb Universitetinin Yoluxucu xəstəliklər kafedrasının dosenti, tibb elmləri doktoru, professor Sədrəddin Atakişizadə 3-cü və daha sonrakı dozaların tətbiqinə ehtiyac olub-olmayacağı və digər sualları cavablandırıb.

1news.az müsahibəni təqdim edir:

- Son vaxtlar ölkəmizdə koronavirusa yoluxma hallarında artım müşahidə olunur. Bunun qarşısının alınması üçün hansı önləyici tədbirlərin görülməsini məsləhət görərdiniz?

- Qonşu respublikalarda olduğu kimi, bizim ölkədə də koronavirusa yoluxma halları kəskin şəkildə artmağa başlayıb. Paralel olaraq ölüm sayı da çoxalıb. Mövcud vəziyyət bizi kədərləndirir və təhlükənin geniş xarakter almaması üçün qabaqlayıcı tədbirlər görməyə vadar edir. Pandemiyanın qarşısının alınması üçün hələ ki mütəxəssislərin tövsiyə etdiyi iki yol var. İlk növbədə insanlar vaksinasiya olunmalıdır. Bildiyiniz kimi, ölkə rəhbərliyinin göstərişi ilə əhali kütləvi şəkildə vaksinasiyaya cəlb olunub. Doğrudur, son məlumatlara görə, bu gün ölkə əhalisinin xeyli hissəsinə peyvənd vurulub. Amma məhz peyvənd olunmayanların hesabına yoluxanların sayı günü-gündən artmaqda davam edir. İkinci yol isə sosial məsafənin qorunması, qoruyucu maskalardan və dezinfeksiyaedici məhlullardan istifadə olunmasıdır. Əgər biz hava-damcı infeksiyasının yayılmasının qarşısını almaq üçün lazımi sosial məsafəni gözləyəriksə, infeksiyanın xəstədən sağlam insana keçmə ehtimalı kəskin şəkildə aşağı düşər. Xəstə maska taxırsa, onun ətraf mühitə virus yayma ehtimalı aşağı olur. Eyni zamanda qarşı tərəf də maskadan istifadə edirsə, onun yoluxması ehtimalı sıfıra bərabərdir.

- Azərbaycanda ayrı-ayrı ölkələrin istehsalı olan bir neçə peyvənddən istifadə olunur. Bəzən insanlar peyvənd seçimində çətinlik çəkirlər. Bir mütəxəssis kimi hansını məsləhət görərdiniz?

- Ölkəmizdə ilk tətbiq olunan peyvənd Çin istehsalı olan “Sinovac”dır. Bunun yan təsirləri nisbətən azdır. Bu peyvəndi hər kəs asanlıqla qəbul edə bilir. Bizdə bu vaksindən sonra geniş tətbiq olunan Amerika və Avropa ölkələrinin istehsalı olan “Pfizer” vaksinidir. Bunlarla yanaşı, Rusiya istehsalı olan “Sputnik V” vaksini də istifadə edilir. Bu peyvəndlərin hansından istifadə etmək insanların öz seçimidir. Fərq etməz hansını seçirlər. Əsas odur ki, peyvənd olunsunlar.

İnsanlar bəzən deyirlər ki, vaksinasiya olundum, amma xəstələndim. Mən də izah edirəm ki, peyvənd insanları yüz faiz xəstəlikdən qorumur. Amma peyvənd olunanlar arasında ölüm faizi yox dərəcəsindədir, ağırlaşma hallarına da çox az rast gəlinir. Bu gün koronavirusdan reanimasiyaya düşən xəstələrin əksəriyyəti vaksinasiyadan keçməyən insanlardır. Bunun nəyi pisdir ki, siz peyvənd olunmayanlardan fərqli olaraq, virusa yoluxsanız belə, xəstəliyi ayaqüstü keçirirsiniz. Fərq bundan ibarətdir.

- Bəzi mütəxəssislər immunitetin davamlı olması üçün 3-cü dozanın qəbulunu məsləhət görürlər. Siz bu barədə nə deyərdiniz?

- Xəstəlik keçirmək və peyvənd olunmaq - hər iki halda orqanizmdə immunitet yaranır. Birincisi təbii immunitetdir ki, xəstəlikdən sonra yaranır. Orqanizmdə antigenlər, anticisimlər və s. əmələ gəlir. Buna nümunə üçün qızılca xəstəliyini göstərmək olar. Belə ki, qızılcanı keçirən və ya vaksinini qəbul edən şəxslərdə həyati immunitet yaranır. Onların ömürlərinin sonunadək əlavə peyvənd olunmağa ehtiyacları qalmır. İkincisi isə süni yaranan immunitetdir ki, o da vaksinasiyanın hesabına əmələ gəlir. Süni yaranan immunitetlərin davamlılıq müddəti bəzən 6 ay, 1 ilədək çəkir. Bu müddət ərzində vaksin olunan şəxsin immunitetində zəifləmə prosesi gedir. Əlavə dozanın qəbuluna ehtiyac yaranır. Elə koronavirusda olduğu kimi. Ona görə də pandemiya davam edərsə, yoluxmaların sayında azalmalar olmazsa, iki doza qəbul edənlər 6 aydan sonra 3-cü dozanı da qəbul etməyə məcburdurlar. Hətta ola bilər ki, pandemiya bitənə qədər 4-cü, 5-ci dozaların qəbuluna da zərurət yaransın.

- Bəs 3-cü doza əvvəl vurulmuş iki vaksinlə eyni olmalıdır, yoxsa fərqli?

- Bu, mutasiyaya uğrayan bir virus olduğundan, bir formadan digər formaya keçir. Xatırlayırsınızsa, əvvəl COVİD-19 idi, sonra başqa ştamlar meydana çıxdı, indi “Delta” gəldi. Bunlar hamısı nəticə etibarilə koronavirusdur. Amma mutasiyaya uğradıqca, yüngül formaları üzə çıxır. Bu ştamlar bəzi xəstələrdə özünü ağır şəkildə büruzə verə bilər. Amma bir yaxşı cəhət var ki, pandemiyanın müddəti uzandıqca, qarşıdan daha yüngül formalar gəlir. O ki qaldı 3-cü dozanın qəbulunda hansı vaksin vurulmasına, eyni də ola bilər, fərqli də. Düzdür, praktikada vaksin həmişə konkret ştamlara qarşı hazırlanır. Amma ştamlar qısa müddətdə mutasiyaya uğrayır, vaksinin hazırlanmasına isə çox vaxt lazım olur. Odur ki, hazırda istifadə etdiyimiz vaksinlər ciddi ağırlaşmalar yaratmadığı üçün istənilən ştamma qarşı tətbiq etmək məsləhət görülür. Çünki əlimizdə olan vaksinin tətbiqi yalnız pandemiyanın yayılmasının qarşısının alınmasına xidmət edə bilər.

Paylaş:
948

Son xəbərlər

“Nar” Azərbaycan çempionu tituluna sahib oldu - ФОТО24 / 01 / 2022, 18:23Dolların sabaha olan rəsmi məzənnəsi açıqlanıb24 / 01 / 2022, 18:01Azərbaycanlılara qarşı cinayət törədən 297 erməni axtarışa verilib24 / 01 / 2022, 17:57Fatma Səttarova “İstiqlal” ordeni ilə təltif edildi24 / 01 / 2022, 17:54Əvvəlki illərin məzunları üçün qəbul imtahanının tarixi məlum olub24 / 01 / 2022, 17:50Prezident 100 illik yubileyi münasibətilə Fatma Səttarovaya təbrik məktubu göndərib24 / 01 / 2022, 17:45Buraxılış imtahanlarının tarixləri açıqlanıb24 / 01 / 2022, 17:32Mart və aprel aylarında keçiriləcək imtahanların tarixləri açıqlanıb24 / 01 / 2022, 17:25AŞPA-nın yeni prezidenti seçilib24 / 01 / 2022, 17:0835 yaşımda çıxıb, 65 yaşımda qayıtdım - Şuşa sakinindən təsirli sözlər - VİDEO24 / 01 / 2022, 16:51Vilyam Hacıyevə qanunsuz silah saxlama ilə bağlı ittiham verilib24 / 01 / 2022, 16:36Bakıda narkotacir və mobil telefon oğruları belə saxlanıldı - VİDEO24 / 01 / 2022, 16:33Azərbaycanda koronavirusa görə distant tədrisə keçən məktəblərin sayı açıqlanıb24 / 01 / 2022, 16:16COVID-19-a yoluxan müəllim və şagirdlərin sayı məlum olub24 / 01 / 2022, 16:10Mədəniyyət Nazirliyindən KVN-lə bağlı - Açıqlama24 / 01 / 2022, 16:00Şuşaya səfər edənlər bu qaydalara riayət etməlidirlər24 / 01 / 2022, 15:52Azərbaycanda amnistiyaya düşən qadın və yeniyetmələrin sayı açıqlanıb24 / 01 / 2022, 15:50“COVID-19” pasportu olmadığına görə toya buraxılmayanların ümumi sayı açıqlanıb – STATİSTİKA24 / 01 / 2022, 15:29Azərbaycanda karantin müddətinin azaldılmasının səbəbləri açıqlanıb24 / 01 / 2022, 14:57İranın yol və şəhərsalma naziri Füzuliyə gəlib - VİDEO24 / 01 / 2022, 14:45
Bütün xəbərlər

Next TV