“Bütün bunlar İranın daxilindəki gərginlikləri pərdələmək üçündür” - Deputat
Uzun müddətdir ki, regionda əsassız olaraq İran tərəfindən İran-Azərbaycan münasibətlərinin gərginləşməsinə cəhdlər olunur. İran çox güman unutmayıb ki, Azərbayca 30 ilə yaxın bir müddətdə təkcə öz ərazilərinin işğalda olması ilə mübarizə aparmayıb, eyni zamanda erməni faşizminə qarşı mübarizə aparıb. Bir sözlə Ermənistanın islamafobiya siyasətinə qarşı mübarizə aparıb.
Məsələ ilə bağlı 1news.az-a danışan siyasi şərhçi Xəyal Bəşirov deyir ki, erməni terrorçularının dağıtdığı maddi-mədəni, tarixi və dini abidələrimizi, məscidlərimizin, müsəlamlar üçün vacib olan qəbir daşlarımızın dağıdılması təkcə bizim üçün deyil, dünya müsəlmaları üçün, o cümlədən İran üçü də vacib əhəmiyyət kəsb etməlidir:
"Böyük təəssüf hissi ilə deyim ki, işğaldan azad edilən ərazilərimizdə qanunsuzluq, talançılıq təkcə erməni terrorçuları tərəfindən deyil, eyni zamanda müsəlman ölkəsi olan qonşumuz İran tərəfindən də həyata keçirilib. Biz bunu dünya ictimaiyyətinin diqqətinə faktlarla çatdırdıq. Düşünürəm ki, Azərbaycanın regionda formalaşdırdığı yeni geosiyasi reallığın şərtləri bir sıra qüvvələrin maraqlarına ziddir, o cümlədən İranın. İran dövləti Ermənistana nəfəslik kimi baxmamalıdır, artıq o dövr artıq arxada qaldı. Bu gün İran dövləti Azərbaycanın regionda formalaşdırdığı sülhün, təhlükəsizliyin, sabitliyin təminatı kimi tədbirlərə dəstək olmalıdır. Amma biz bunun əksii görürük. İran onu iqtisadi blokadaya almış ABŞ-a qarşı mübarizə aparırsa Azərbaycana deyil, Ermənistana təpki göstərməlidir”.
Məsələyə Milli Məclisin deputatı Sabir Rüstəmxanlı da münasibət bildirib:
"İran Azərbaycana qarşı təbliğatını dayandırmır. Rejimin Qafqaz saytı həmişəki kimi yalan yaymaqdadır. Cənub qonşumuzu ən çox narahat edən Azərbaycan-İsrail münasibətləridir. Bütün bunlar İranın daxilindəki gərginlikləri pərdələmək üçündür. İran rejimi çökdüyünü dərk edir”.
Aytən Sakitqızı
