Regionların sosial-iqtisadi inkişafı üzrə Dövlət Proqramlarının səmərəliliyini davamlı etməliyik | 1news.az | Xəbərlər
İqtisadiyyat

Regionların sosial-iqtisadi inkişafı üzrə Dövlət Proqramlarının səmərəliliyini davamlı etməliyik

10:21 - 26 / 11 / 2021
Regionların sosial-iqtisadi inkişafı üzrə Dövlət Proqramlarının səmərəliliyini davamlı etməliyik

Müstəqilliyini əldə etdikdən sonra Azərbaycanda dövlət quruculuğu istiqamətində ardıcıl işlər görülmüşdür. Bu gün ölkəmizdə iqtisadiyyatın ağardılması istiqamətində, eləcə də davamlı iqtisadi inkişaf modelini xarakterizə edən rəqəmsallaşmanı, habelə innovasiyanı tətbiq etməklə Azərbaycan postpandemiya və postmüharibə dövründə yeni bir mərhələyə qədəm qoymuşdur.

2018-ci il Prezident seçkilərindən sonra Prezident İlham Əliyev tərəfindən elan olunmuş və ardıcıllıqla icra edilən iqtisadi islahatlar kontekstində çoxvektorlu iqtisadi siyasət həyata keçirilməkdədir. Bu gün müzakirədə olan və hökumətin diqqət yetirdiyi prioritet sahələrdən biri iqtisadi subyektlərin qorunması, iqtisadiyyatın ağardılması və rəqəmsallaşmasıdır.

2003-cü ildən başlayaraq Prezident İlham Əliyevin rəhbərliyi ilə həyata keçirilən çoxşaxəli iqtisadi islahatlar ölkədə böyük müəssisələr və iqtisadi infrastruktur formalaşdırmışdır. Son illərdə istifadəyə verilən yeni sənaye parklarının əsas hədəfi daxili istehsalın artımına, əhalinin istehlak mallarına olan tələbatının qismən ödənilməsinə yönəlmişdir.

Nəzərə alsaq ki, bu gün dünya bazarında sürətli inflyasiya müşahidə olunur və bu inflyasiya özünü hətta güclü iqtisadiyyata malik qardaş Türkiyə Respublikasında da ciddi şəkildə göstərməkdədir, mövcud şərait ölkəmizdən də təsirsiz ötüşməyəcəkdir.

Hökumətin apardığı düzgün və uğurlu monetar siyasətlə yanaşı, bundan sonra da ölkədə manatın ABŞ dollarına nisbətən rəsmi məzənnəsinin əlverişli makroiqtisadi mühitdə sabit vəziyyətdə qalması və bu sabitliyi qoruyub saxlamaq üçün mövcud maliyyə ehtiyatlarının həcminin artırılması məqsədəmüvafiq olacaqdır.

Nəzərə alaraq ki, 2021-ci il üçün ölkənin tədiyyə balansı qənaətbəxşdir, lakin, istehsalın kifayət qədər olmaması ixraca da öz təsirini göstərdiyindən xarici valyutanın ölkəyə axınında müəyyən azalma müşahidə olunmaqdadır.

Bu baxımdan kənd təsərrüfatı məhsullarının, yüngül sənayenin və istehsal həcminin artırılması üçün görüləcək tədbirlərin “Azərbaycan Respublikası regionlarının 2019-2023-cü illərdə sosial-iqtisadi inkişafı üzrə Dövlət Proqramı” çərçivəsində də həyata keçirilməsi əlavə olaraq ölkə iqtisadiyyatının dayanıqlılığının təmin olunmasına kömək edir.

Onu da qeyd edim ki, regionların inkişafı, habelə əhalininn həyat şəraitinin daha da yaxşılaşdırılması üçün Prezident İlham Əliyevin rəhbərliyi ilə 2004-cü ildən başlayaraq dörd Dövlət Proqramı icra olunmaqdadır və 2019-2023-cü illəri əhatə edən “Azərbaycan Respublikası regionlarının sosial-iqtisadi inkişafı üzrə Dövlət Proqramı”nın uğurlu icrası təmin olunmalıdır.

İqtisadiyyat Nazirliyinin məlumatına əsasən həyata keçirilmiş Dövlət Proqramlarında təqribən 90 mlrd. manat maliyyə vəsaiti investisiya xərclərinə yönəldilmişdir ki, bu da ölkə iqtisadiyyatının daha yaxşı inkişafını nəzərdə tutur. Lakin, xüsusilə də su, qaz, işıq, yol infrastrukturarının yaradılması istiqamətində hələ də tamamlanmasına ehtiyac olan məsələlərin həll olunması bu günün reallığına çevrilmişdir.

Əsasən də hal-hazırda kəndlərimizdə kəndlərarası yolların salınması, köhnəlmiş işıq naqilləri, dirəklərinin yenilənməsi, yerli icra hakimiyyəti nümayəndəliklərinin kəndlərdə inzibati binalarının təmir olunması və yaxud yenilənməsində icra olunan Dövlət Proqramında maliyyələşməsinə ehtiyac duyulur. Bu bəzən həyata keçirilən Dövlət Proqramları çərçivəsində investisiya layihələrinin natamam olması, bəzən isə həmin layihələrin tam olaraq icra olunmaması ilə də şərtləndirilir.

Hal-hazırda İqtisadiyyat Nazirliyi xüsusi işçi qrupları vasitəsi ilə icra olunmuş Dövlət Proqramlarının monitorinqini aparır və real vəziyyət öyrənilməkdədir. Qarşıda “2030 Gündəiyi”nin vacib çağırışlarını da nəzərə alaraq həyata keçirilmiş “Azərbaycan Respublikası regionlarının sosial-iqtisadi inkişafı üzrə Dövlət Proqramları”nın Milli Məclisin deputatlarının da iştirakı ilə Hökumətlərarası Komissiyanın yaradılması və görülməsi vacib hesab olunan yarımçıq qalmış işlərin tamamlanmasına dair konkret, icrası mümkün olan təkliflərin reallaşması prosesi sürətləndirilməlidir.

Məzahir Əfəniyev,

Azərbaycan Respublikası

Milli Məclisinin deputatı

Paylaş:
101

Son xəbərlər

AZƏRTAC ilə UNA arasında əməkdaşlıq yeni hədəflərə istiqamətlənir - FOTO27 / 01 / 2022, 18:21Dolların sabaha olan rəsmi məzənnəsi açıqlanıb27 / 01 / 2022, 18:01Sürücülərin nəzərinə: bunu edənlər 40 manat cərimələnəcək - VİDEO27 / 01 / 2022, 17:54AMADA dopinqin qanunsuz dövriyyəsinə qarşı mübarizəni gücləndirəcək27 / 01 / 2022, 17:47Misir və İordaniya mətbuatında Azərbaycanda multikulturalizm ənənələri haqqında məqalə dərc edilib27 / 01 / 2022, 17:47Bu şəxslər 2000 manat cərimələnəcək - Qanun təsdiqləndi27 / 01 / 2022, 17:41Füzuli sakinləri pulemyot satarkən tutulublar – FOTO – VİDEO27 / 01 / 2022, 17:32Azərbaycan Cüdo Federasiyası kütləvi yoluxma ilə bağlı açıqlama yayıb27 / 01 / 2022, 17:28Buzlu yolla qalxmaq istəyən avtomobil sürüşüb divara çırpıldı - VİDEO27 / 01 / 2022, 17:23Xəzərdən nərə balıqlarını qanunsuz ovlayan şəxslərə cinayət işi açılıb27 / 01 / 2022, 17:19Kürdəmir sakinindən heroin və tiryək götürülüb27 / 01 / 2022, 17:00Bərdədə 4800 şəhidin paltarlarının basdırıldığı yer abadlaşdırılıb - FOTO27 / 01 / 2022, 16:54Ötən gün Azərbaycanda 29515 vaksin vurulub - STATİSTİKA27 / 01 / 2022, 16:44Azərbaycanda 27 yanvara olan koronavirus statistikası açıqlandı27 / 01 / 2022, 16:33Məktəblərdə tədrislə bağlı əsas problemlər açıqlanıb27 / 01 / 2022, 16:32DOST mərkəzlərində yeni xidmətlər istifadəyə verilib27 / 01 / 2022, 16:15Azərbaycanda 3 helikopter satışa çıxarılır - FOTO27 / 01 / 2022, 16:10Putin Ərdoğanın dəvətini qəbul edib27 / 01 / 2022, 16:07AAYDA və “Azərsu” vətəndaşlara müraciət ediblər - FOTO27 / 01 / 2022, 15:54“Türkiyə bursları” təqaüd proqramına sənəd qəbulu aparılır27 / 01 / 2022, 15:49
Bütün xəbərlər

Next TV