İstanbul qara təslim oldu - FOTO

Türkiyənin İstanbul şəhərində qar həyatı iflic edib.

1news.az xəbər verir ki, kəskin hava şəraiti səbəbindən yollarda nəqliyyatın hərəkəti çətinləşib.

Xüsusilə şəhərin Bahçelievler, Beşiktaş, Küçükçekmece, Beylikdüzü, Çatalca, Kadıköy, Büyükçekmece, Esenyurt rayonlarında şiddətli qar yağışı yolun hərəkət hissəsində avtoqəzalara səbəb olub. Əlverişsiz hava habelə nəqliyyatın hərəkətinə məhdudiyyətlər yaradıb.

Son məlumata görə, İstanbulda qarın qalınlığı 85 santimetrə çatıb.

Şəhərə giriş-çıxış bağlanıb, avtovağzallardan, eləcə də, İstanbul hava limanından hərəkət təxirə salınıb.

Qeyd edək ki, dünən Türkiyənin milli aviadaşıyıcısı - "Türk Hava Yolları" şirkəti İstanbul-Bakı (TK334) və Bakı-İstanbul (TK335) reyslərini ləğv edib.

Qarlı İstanbuldan fotoları təqdim edirik.

1news.az