Deputatdan təklif: Azərbaycan və Ermənistan parlamentləri arasında komissiya yaradılsın
“Son 200 ildə ilk dəfə Ermənistanda bir siyasətçi meydana gəlib, etiraf edir ki, Qarabağ Azərbaycanın ərazisidir, Azərbaycan və Türkiyə ilə münasibətlər bərpa olunmasa Ermənistan yaşaya bilməyəcək”.
1news.az xəbər verir ki, bunu Milli Məclisin deputatı Fazil Mustafa deyib.
Deputat bildirib ki, Ermənistan tərəfindən bir addım atılır. “Bizdə də bütün prosesləri, onun yükünü Prezident İlham Əliyev öz çiyninə götürüb. Hər bir şey ölkə Prezidenti tərəfindən səsləndirilir. Yaxşı ki, ölkədə Sosial Tədqiqatlar Mərkəzi yaradılıb. Cəmiyyətdən gələn bütün məsələlər sənəd halında sistemləşdirilib ölkə rəhbərliyin çatdırılır. Bu istiqamətdə işlər genişləndirilməlidir".
Deputat təklif edib ki, Azərbaycan və Ermənistan parlamentləri arasında komissiyanın yaradılsın. “Artıq bunu özləri etiraf edirlər və biz də bundan istifadə etməliyik. Erməni parlamenti ilə işimizi gücləndirməliyik. Parlamentdə bu istiqamətdə komissiyanın yaradılmasına ehtiyac var”, - deyə F.Mustafa əlavə edib.
