“Brüsseldə nəzərəçarpaçaq razılaşmalar əldə edildi” - Deputatdan ŞƏRH | 1news.az | Xəbərlər
Siyasət

“Brüsseldə nəzərəçarpaçaq razılaşmalar əldə edildi” - Deputatdan ŞƏRH

Qafar Ağayev14:25 - 23 / 05 / 2022
“Brüsseldə nəzərəçarpaçaq razılaşmalar əldə edildi” - Deputatdan ŞƏRH

Brüsseldə baş tutuan üçtərəfli görüş Azərbaycanla Ermənistan arasında bu vaxta qədər aparılan mümkün sülh danışıqları prosesinin yeni bir mərhələsi kimi qiymətləndirilə bilər.

Bunu 1news.az-a açıqlamasında Milli Məclisin deputatı Hikmət Babaoğlu deyib.

"Hər şeydən öncə ona görə ki, Paşinyanın Azərbaycanın irəli sürdüyü beş baza prinsipi çərçivəsində sülh danışıqlarını qəbul etməsi ilə bağlı şifahi və tərəddüdlü bəyanatından sonra məhz elə həmin baza prinsipləri əsasında Brüsseldə nəzərəçarpaçaq razılaşmalar əldə edildi" - deputat əlavə edib.

O bildirib ki, ilk növbədə görüşə damğasını vuran məsələlər təkcə müzakirə edilən məsələlər deyil, həm də müzakirə edilməyən məsələlər olduğunu qeyd etmək lazımdır.

“Məsələn, erməni tərəfinin bütün israrlarına baxmayaraq heç bir status məsələsi gündəmə daxil edilməmişdi. İkincisi Azərbaycanın müəyyən etdiyi diplomatik leksikondan kənar heç bir ifadə işlədilmədi. Sadəcə Azərbaycanda yaşayan etnik ermənilərin hüquq və təhlükəsizlik məsələlərinə toxunuldu. Bununla da hər iki mövzuda ermənilərin israrla nəyəsə nail olmaq cəhdlərinə birdəfəlik son qoyuldu.

Görünür yalnız bu həqiqətlər Paşinyan tərəfindəndə yeni reallıq kimi dərk edildiyinə görə dərhal bir neçə istiqamət üzrə mövqelərdə birdən birə yaxınlaşma baş verdi. Bu yaxınlaşmalar ilk növbədə sərhədlərin delimitasiya və demarkasiyası üzrə yaxın günlərdə komissiyaların görüşməsi istiqamətində baş verdi. Aydındır ki, mümkün sülh prosesi üçün ilk növbədə sərhədlərin qarşılıqlı şəkildə tanınması ən əsas prioritetdir.

İkncisi kommunikasiyaların açılması və iqtisadi əlaqələrin bərpası istiqaməti üzrə baş nazirlərin müavinləri səviyyəsində görüşün olması ilə bağlı razılığın əldə edilməsi vacib məsələdir ki, burada bir çox istiqamətlər kompleks olaraq nəzərdən keçiriləcək. Elə bu blokda ən əsas məsələrdən biri də gömrük qaydalarının müəyyənləşdirilməsi üzrə razılaşmanın əldə edilməsidir".

"Əslində danışıqların irəliyə doğru getməsinə mane olan əsas məsələlərdən bir bu idi" - H.Babaoğlu əlavə edib:

"Çünki bu mövzu Laçın dəhlizi və Zəngəzur dəhlizi üzrə paralellik təşkiletmə baxımından aktual idi. Digər mühüm blok humanitar blok idi ki, burada da minaların xəritələrinin verilməsi, erməni terrorçularının qaytarılması və birinci Qarabağ savaşında itikin düşmüş 4 minədək Azərbaycan vətəndaşının taleyi məsələsi idi ki, beş saatlıq görüşdə bu da müzakirə edildi”.

O bildirib ki, xarici işlər nazirlərinin yaxın vaxtlarda görüşməsi ilə bağlı razılaşma isə ondan xəbər verir ki, mümkün belə görüş artıq yuxarıda dediyimiz mövzularda müəyyən nəticələrin əldə edilməsindən sonra baş tutacaq ki, bu da özlüyündə iyul-avqust aylarında Brüssel formatında yenidən liderlərin görüşü üçün zəmin yarada biləcək və ona görə də Brüssel görüşlərinin 3-cü raundunu ən məhsuldar raund kimi qiymətləndirmək mümkündür.

Paylaş:
128

Son xəbərlər

Bu gün ölkədə narkotik istifadəçilərinin sayı rəsmi qeydiyyatda olanlardan çoxdur - DİNBu gün, 11:49Şəkidə avtoservis yanıbBu gün, 11:39Bakıda 10 il əvvəl baş vermiş cinayət işinin istintaqı tamamlanıbBu gün, 11:38QMİ Qurban bayramı ilə bağlı tövsiyyələrini açıqlayıbBu gün, 11:35Azərbaycanda sayt rəhbəri tutulubBu gün, 11:31QMİ: “Qurban bayramı iyulun 9-dadır və 3 gün davam edə bilər”Bu gün, 11:30Daha bir azərbaycanlı Ukraynadakı müharibədə həlak olduBu gün, 11:26Bakıda avtomobildən geyim əşyaları və təmir-tikinti alətləri oğurlayanlar saxlanılıbBu gün, 11:20Qastronomik bağ evi “Mardacannes 145” restoranı açıldı - FOTO - VİDEOBu gün, 11:19Müştəri məmnuniyyətinin idarəedilməsi üzrə yeni dövlət standartı qəbul edilibBu gün, 11:11“Kliniki laborator müayinələrin yeni nəsil Sysmex sistemləri vasitəsi ilə tədqiqi” mövzusunda vebinar keçirilibBu gün, 11:06DİM bədən tərbiyəsi üzrə qabiliyyət imtahanı verəcək abituriyentlərə müraciət edibBu gün, 10:43Azərbaycan nefti ucuzlaşıbBu gün, 10:32OPEC-in baş katibi vəfat edibBu gün, 10:32Bakıda bir nəfəri iki maşın vurduBu gün, 10:25Ağdaşda 39 yaşlı kişi damarlarını kəsibBu gün, 10:24Yevlaxda 23 yaşlı oğlan itkin düşübBu gün, 10:17Xəzər rayonunda fəhlə bədbəxt hadisə nəticəsində ölüb - Cinayət işi başlandıBu gün, 10:14Səhiyyə nazirinə yeni müşavir təyin edilibBu gün, 10:11Kəlbəcər istiqamətində mövqelərimiz atəşə tutulubBu gün, 10:04
Bütün xəbərlər

Next TV