Sinqapur dövlət başçısı Azərbaycan Prezidentinə təbrik məktubu ünvanlayıb

Sinqapur Respublikasının Prezidenti Həlimə Yaqub Prezident İlham Əliyevə təbrik məktub göndərib.

1news.az xəbər verir ki, məktubda deyilir:

"Azərbaycanın milli bayramı – Müstəqillik Günü münasibətilə Sinqapur xalqı adından ölkənizə və xalqınıza səmimi təbriklərimi yetirir, həmçinin davamlı sülh, tərəqqi və xoşbəxtlik diləyir, ən xoş arzularımı çatdırıram.

Sinqapur qlobal təhdidlərə qarşı kollektiv mübarizəmizi gücləndirmək üçün bundan sonra da beynəlxalq ictimaiyyətlə sıx əməkdaşlıq edəcək".