“Bakıda 400 manata belə kirayə tapmaq çətindir” - Kirayə mənzil bazarında VƏZİYYƏT | 1news.az | Xəbərlər
Cəmiyyət

“Bakıda 400 manata belə kirayə tapmaq çətindir” - Kirayə mənzil bazarında VƏZİYYƏT

Ayşən İsmayılova11:55 - 21 / 09 / 2022
“Bakıda 400 manata belə kirayə tapmaq çətindir” - Kirayə mənzil bazarında VƏZİYYƏT

“Kirayə bazarında vəziyyət hər il kəskinləşir”.

Bunu 1news.az-a açıqlamasında əmlak məsələləri üzrə ekspert Elnur Fərzəliyev deyib.

“Bakıda 11 minə qədər istismar müddətini bitirmiş köhnə iki, üç, dörd, beşmənzilli binalar var. 2016-cı ildə Nazirlər Kabinetinin 86 saylı sərəncamı oldu ki, həmin köhnə binalar sökülsün və yeni binalarla əvəzlənsin. 2016-cı ildən bu yana çox sayda köhnə binalar sökülüb. Bəs bu binalar söküldükdə nə baş verir?Həmin binadakı kirayəlik mənzillər artıq kirayə bazarından çıxır. Orada yaşayan sakinlər isə binaları tikilib təhvil verilənə qədər kirayə evlərə çıxmalı olurlar. Binalar təhvil verildikdən sonra isə artıq yeni binalardakı mənzillərin qiyməti ilə köhnə binalardakı mənzillərin qiyməti eyni olmur, iki dəfə qədər baha olur. Bu tip layihələrlə çox sayda binalar sökülüb”.

Ekspert həmçinin bölgələrdən paytaxta gələn tələbələrin münasib qiymətə kirayə mənzil tapmaqda çəkdiyi çətinliklərdən və bunun səbəblərindən də bəhs edib:

“Nərimanov və Yasamal rayonları tələbələrin ən çox axın etdiyi ərazilərdir. Məhz bu ərazilərdə söküntü çox olduğu üçün tələbələrin ev tapmağında ciddi problemlər var. Daha çox da Nərimanov rayonu ərazisində söküntülər aparılır və kirayə evləri yerli sakinlər ən az 2-2.5 il müddətinə özləri götürürlər. Tələbələr əvvəlki illərdə birotaqlı mənzili 250-300 manata tapa bilirdilərsə, hazırda 400 manata belə tapmaq çətindir. Tikinti prosesləri sürətlənsə, yaxın 10 ildə paytaxt ərazisində ucuz kirayə mənzil barmaqla sayıla biləcək sayda olacaq.

Tələbələr məcburən Xırdalan, Biləcəri kimi Bakı ətrafı yerlərə üz tuturlar, bununla da günün bir neçə saatını yollarda itirmiş olurlar. Başlıca problem tələbə yataqxanalarının məhdud sayda olmasıdır. Bölgələrdən gələn minlərlə tələbə var ki, bu da bir neçə min mənzilin sırf bölgələrdən gələn tələbələr tərəfindən kirayələnməsi deməkdir”.

E. Fərzəliyev son olaraq tələbələr üçün yataqxanalar tikilməsinin önəmini qeyd edib:

“Tələbələrin ev problemi həll olunarsa, yataqxanalar tikilərsə, şəhərin özündə də yerli sakinlər üçün də münbit şərait yaranar. Çünki Bakıda yaşayanların da hamısının evi yoxdur. Gənc ailələr evləndikdən sonra ev tapmaqda çətinlik çəkirlər”.

Ayşən İsmayılova

Paylaş:
462

Son xəbərlər

İlham Əliyev: İran Prezidentinin olduğu helikopterin qəza enişi barədə xəbər bizi ciddi narahat etdi19 / 05 / 2024, 21:12İran Prezidentinin olduğu helikopter qəzaya uğradı - YENİLƏNİB19 / 05 / 2024, 20:59“Xudafərin” hidroqovşağının istismara verilməsi və “Qız Qalası” hidroqovşağının açılış mərasimi keçirilir19 / 05 / 2024, 12:44Azərbaycan ilə İranın dövlət sərhədində İlham Əliyevin və İbrahim Rəisinin görüşü olub - FOTO19 / 05 / 2024, 12:32Mehriban Əliyeva Zəngilan səfəri ilə bağlı paylaşım edib18 / 05 / 2024, 18:04Qarabağ Universitetinin bukleti hazırlanıb18 / 05 / 2024, 17:47Prezident Cəbrayıl rayonunun Sarıcallı kəndinin təməlini qoyub18 / 05 / 2024, 17:30Prezident və birinci xanım Zəngilan məscidinin açılışında iştirak ediblər - YENİLƏNİB18 / 05 / 2024, 17:08“AzərEnerji ASC-nin “Zəngilan” və “Şayıflı” Su Elektrik stansiyaları istifadəyə verilib - YENİLƏNİB18 / 05 / 2024, 16:45İlham Əliyev Cəbrayıl rayonunun Maşanlı kəndinin təməlini qoyub - YENİLƏNİB18 / 05 / 2024, 16:29Prezident və birinci xanım Zəngilanda “Ağalı” hotelinin açılışında iştirak ediblər - YENİLƏNİB18 / 05 / 2024, 16:26İlham Əliyev Cəbrayıl rayonunun Böyük Mərcanlı kəndinin təməlini qoyub18 / 05 / 2024, 16:24Prezident Cəbrayılın Karxulu kəndinin təməlini qoyub - FOTO18 / 05 / 2024, 16:18Yağıntılı hava şəraiti davam edir - FAKTİKİ HAVA18 / 05 / 2024, 15:58Zəngilan şəhərinin daxili yol-kommunikasiya şəbəkəsinin təməli qoyulub18 / 05 / 2024, 15:39“Coca-Cola” Azərbaycanda ikinci istehsal müəssisəsini açacaq - FOTO18 / 05 / 2024, 15:11Dövlət başçısı Zəngilan rayonunun Mincivan qəsəbəsinin təməlini qoyub - YENİLƏNİB18 / 05 / 2024, 14:47Paytaxtın mərkəzi küçələrində “kokain” və “ekstazi” həblərinin satışını təşkil etmək istəyən şəxs saxlanılıb - VİDEO18 / 05 / 2024, 14:27Rəşad Nəbiyev Şəkidə vətəndaşları qəbul edib18 / 05 / 2024, 14:09İlham Əliyev Cəbrayıl rayonunun Böyük Mərcanlı, Karxulu və Sarıcallı kəndlərinin təməllərini qoyub18 / 05 / 2024, 13:43
Bütün xəbərlər