Sarkisyanın mühafizə xidmətinin keçmiş rəisinə yeni cinayət işi açılıb
Ermənistan baş prokurorluğu eks-prezident Serj Sarkisyanın mühafizə xidmətinin keçmiş rəisi Vaçaqan Kazaryana, onun həyat yoldaşına və onlara məxsus “Yans” klubunun rəhbərliyinə qarşı cinayət işi açıb.
1news.az APA-ya istinadən xəbər verir ki, onlar hədə-qorxu ilə pul tələb etməkdə ittiham olunurlar.
Onlardan yaşayış yerini tərk etməmək barədə öhdəlik alınıb.
Vaçaqan Kazaryan, yoldaşı və “Yans” klubunun direktoru ilə birlikdə 2017-ci ildə klubun muhasibatçısından hədə-qorxu yolu ilə 100 min dollar vəsait tələb etməkdə təqsirləndirilir.
814
