Çin karantini ləğv etdi, uçuşlar başladı - FOTO

Dünyanı əsir götürən koronavirusa qarşı nəzarət tədbirlərini ləğv edən Çinə yanvarın 8-də İstanbuldan ilk uçuş həyata keçirildi.

1news.az "En Son Haber"ə istinadən xəbər verir ki, Çin aviaşirkəti 2020-ci ilin mart ayından etibarən Çində sərhəd qapılarında tətbiq olunan karantin ləğv edildikdən sonra ilk dəfə İstanbul-Quançjou reysini həyata keçirib. Səhər saatlarında 240 sərnişinlə həyata keçirilən ilk uçuşdan əvvəl İstanbul Hava Limanında mərasim təşkil edilib.

“Türkiyədə ciddi potensial var”

“Sərnişinlərimizə təşəkkür edirik. İnamınızı qazanmaq üçün xidmətlərimizi daha da təkmilləşdirməyə davam edəcəyik. Türkiyə pandemiyadan əvvəl Çinli turistlərin ən əhəmiyyətli turizm məkanlarından biri idi. Təəssüf ki, bu müddət ərzində uçuşlarımızı dayandırmalı olduq. İnanıram ki, Türkiyədə gələcək illər üçün əhəmiyyətli bir potensial var. Çinin ən böyük hava yolu şirkəti olaraq Çin və Türkiyə arasında körpü rolunu oynamağı arzu edirik” – deyə Mərasimdə çıxış edən Çin hava yolu şirkətinin Türkiyədəki baş direktoru Wen Demei söyləyib.

“Qiymətlər baha deyil”

DHA-ya danışan sərnişinlərdən biri Cheng Qoing, İstanbuldan Quançjouya birbaşa uçuşlar başladığı üçün xoşbəxt olduğunu ifadə edib:

“Qiymətlər elə də baha deyil, maddi gücümüz çatır. Gələcəkdə Çinin digər şəhərlərinə də birbaşa uçuşlar gözləyirik. Buradakı insanların çoxu mənim kimi transfer sərnişinləridir. Əksəriyyəti İngiltərədən gəlib”.