Dünyanın ən təhlükəli 10 şəhəri hansılardır?
Səyahəti sevən adamlar getdikləri yer haqqında əvvəldən məlumat toplamağa çalışmalıdır.
Çünki bəzən səyahətçilər gedəcəkləri ölkələr haqqında lazımi qədər bilgiyə sahib olmadıqları üçün səyahətləri pis keçir, hətta həyatlarını da təhlükəyə belə atırlar.
Məsələn, dünyada elə şəhərlər var ki, oraya getmək istəyənlər təkrar-təkrar düşünməli, mümkün təhlükələri gözardı etməməlidir.
1news.az 2022-ci ildə dünyanın ən təhlükəli şəhərləri haqqında araşdırma aparıb. Siyahıda görəcəyiniz bölgələrə getməmişdən öncə 2 dəfə düşünməyinizi tövsiyə edirik.
Tijuana, Meksika
Təkcə ötən il yox, elə uzun illərdir dünyanın ən təhlükəli şəhəri Tijuana hesab olunur. Bu şəhər ABŞ-a narkotik qaçaqmalçılığı etməsi ilə məşhurdur. Bu şəhərdə narkobaronlar əllərində silah dəstə halında gəzirlər. Həmçinin məşhur Tijuana-Texas sərhədi də bu bölgədədir. Meksika sərhədi ilə Birləşmiş Ştatlara qaçaq olaraq gedən insanlar da bu ərazidən keçməlidirlər. Qeyd edək ki, narkobaronlar tərəfindən qətl edilən insanları hesablamasaq, hər il yüzlərlə qaçaq insan itkin düşür və onların taleyi haqda məlumat əldə olunmur. Əgər bu şəhərdən yolunuz düşəcəksə, dəfələrlə düşünməyiniz məsləhət görülür.
Bağdad, İraq
İraqın paytaxtı Bağdad müharibənin yaralarını hələ də daşıyır. Xüsusilə son illərdə görülən tədbirlər sayəsində şəhərdə ümumilikdə sakit bir atmosfer olsa da, zaman-zaman təhlükəsizlik tədbirlərinin qeyri-kafi olduğu mühit hələ də mövcuddur. Bu şəhərə turizim üçün gələn insanların sayı yox dərəcəsindədir, amma hər hansısa bir səbəbdən Bağdada getsəniz mütləq yanınızda peşəkar səyahət bələdçisi olsun.
Kabil, Əfqanıstan
Dünyada təhlükəli sayılan yerlərdən biri də Əfqanıstanın paytaxtı Kabildir. Şəhər və onun ətrafında zaman-zaman terror aktları baş verə bilər ki, bu da xüsusilə əcnəbilər üçün təhlükə yarada bilər.
Akapulco, Meksika
Akapulko dünyada ən yüksək cinayət statistikasına malik şəhərlərdən biridir. Təkcə 2022-ci ildə şəhərdə hər 100.000 sakinə 110 qətl hadisəsi baş verib və bu qətllərə görə dünyanın ən pis şəhərlərindən biri olub. Narkotik qaçaqmalçılığı, orqan alveri, fahişəlik bu şəhərin əsas dırnaqarası simvollarından biridir.
Moqadişo, Somali
Çoxumuzun Conni Depplə yaddaşımızıda qalan dəniz qulduru obrazı əslində həqiqətən bu şəhərdə var. Adı tez-tez dəniz quldurları ilə hallanan Somalinin paytaxtı Moqadişo da dünyanın ən təhlükəli şəhərlərindən biridir. Şəhərdə vaxtaşırı baş verən hadisələrə qarşı bələdçi ilə səyahət etmək faydalıdır.
Rio De Janeyro, Brazilya
Möhtəşəm çimərlikləri ilə məşhur olan Braziliyanın Rio De Janeyro şəhəri bu gözəllik kimi bir çox fərqli təhlükə potensialını da özündə daşıyır. Rionun məhəllələrində, xüsusən də sahildən uzaqda gəzərkən cibgirliyə qarşı diqqətli olmalı, yanınızda yerli bələdçi olmadan qaldığınız ərazidən çox uzağa getməməlisiniz.
Karakas, Venesuela
Venesuelanın paytaxtı Karakas gözəllik yarışmaları və bu yarışmaların yaratdığı sənaye ilə tanınan bir şəhər olsa da, xüsusilə gecə saatlarında gəzərkən diqqətli olmaq lazım olan bir yerdir.
Medellin, Kolumbiya
Kolumbiyanın şimal-qərbində yerləşən Medellin şəhəri yerləşdiyi yerə görə tez-tez qeyri-qanuni hadisələrlə əlaqəli bir yerdir. Şəhərə səfər etmək lazımdırsa, gəzərkən mümkün yoxlamalar zamanı pasportunuzun yanınızda olması faydalıdır.
Yohannesburq, Cənubi Afrika
Cənubi Afrikanın ən çox ziyarət edilən şəhərlərindən biri olan Yohannesburq, xüsusilə axşam saatlarında təhlükəli ola bilən yan küçələri ilə də məşhurdur. Burada ən çox yayılmış cinayətlərdən biri də cibgirlikdir. Gecə gec saatlarda gəzmək istəyirsinizsə, izdihamlı və təhlükəsiz yerləri seçərək daha rahat istirahət edə bilərsiniz.
