AzMİU-nun laborantı iş yerində vəfat edib
Azərbaycan Memarlıq və İnşaat Universitetinin (AzMİU) Fizika və Kimya kafedrasının böyük laborantı Kosayeva Aybəniz Qədir qızı universitetdə vəfat edib.
Bununla bağlı 1news.az-a AzMİU-nun ictimaiyyətlə əlaqələr şöbəsinin müdiri Nicat Abdullayev məlumat verib.
O, bildirib ki, bu gün səhər saatlarında Aybəniz Kosayeva işə gəlib və qəfil halı pisləşib.
“Universitetin tibb xidmətinin və çağrılan təcili dibbi yardım həkimlərinin müdaxiləsinə baxmayaraq onun həyatını xilas etmək mümkün olmayıb.
Aybəniz Kosayeva ürək çatışmazlığından əziyyət çəkirdi və bu xəstəliyə görə müalicə alırdı. Həkimlərin ilkin təşxisinə görə onun ürək çatışmazlığından vəfat etdiyi ehtimal edilir. AzMİU rəhbərliyi və kollektivi Aybəniz Kosayevanın vəfatından kədərləndiyini bildirir və mərhumun yaxınlarına dərin hüzünlə başsağlığı verir. Allah rəhmət eləsin” – deyə, N.Abdullayev bildirib.
Qeyd edək ki, Aybəniz Kosayeva 19 sentyabr 1951-ci ildə Qazax şəhərində anadan olub. 1968-ci ildə Azərbaycan Neft və Kimya İnstituna daxil olub və 1974-cü ildə Qeyri üzvi maddələrin və kimyəvi gübrələrin texnologiyası ixtisasını bitirib.
A.Kosayeva 1975-ci ildən Azərbaycan Memarlıq və İnşaat Universitetinin Kimya kafedrasında ( indiki Fizika və Kimya ) işləyir.
