Salvadordakı “meqa” həbsxanaya yüzlərlə məhbus köçürülüb - FOTO

Amerikanın ən böyük həbsxanası kimi tanınan Salvadordakı "meqa" həbsxanasına əlavə olaraq 2000 məhbus gətirilib.

1news.az "CNN Türk"ə istinadən xəbər verir ki, dəstə üzvlərinin yeni köçürülməsi ilə həbsxananın doluluq nisbəti 10%-ə çatıb. “Terrorizm həbsxanası” da adlandırılan Tekoluka bölgəsindəki həbsxana insan haqqları təşkilatları tərəfindən tənqid edilib.

Bunu tvitter sosial şəbəkəsində həbsxanaya aparılan məhbusların görüntülərini paylaşan Salvador prezidenti Bukele açıqlayıb.

Bukelenin paylaşdığı görüntülərdə məhbusların yalnız ağ şortik geyindikləri, əlləri arxadan qandallı formada yan-yana düzülərək ayaqyalın yeridildikləri görünür.

40 min nəfərlik tutumlu olduğu iddia edilən həbsxanaya ilk transfer fevralın sonunda reallaşıb. Bu ikinci köçürmə ilə 4000 məhbusun olduğu həbsxananın doluluq nisbəti 10 faizə çatıb çatıb.

Müdafiə naziri Rene Fransis Marino həbsxanada təhlükəsizliyin təmin edilməsinə 1200 əsgərin cəlb edildiyini bildirib.

“Financial Times”da dərc olunan təhlilə görə, söhbət gedən həbsxana 163 hektar ərazini əhatə edir.

Əgər 40 min nəfərlik tutumu olan həbsxana tam dolsa, hər məhbusa ortaq kameralarda cəmi 0,6 kvadratmetr yer qalacaq. Bundan əlavə, minlərlə dəstə üzvünün eyni dam altında toplanmasının həbsxana daxilində problemlərə səbəb ola biləcəyindən narahatlıq duyulur.