“Barbie” daha bir ölkədə qadağan edildi

Marqo Robbi və Rayan Qoslinqin rol aldığı “Barbie” filmi Küveyt və Livandan sonra daha bir ölkədə qadağan edilib.

1news.az xarici mediaya istinadən xəbər verir ki, rejissor Qreta Qerviq tərəfindən çəkilən film Əlcəzairdə qadağan olunub. Buna səbəb kimi filmin homoseksuallığı təbliğ etməsi, bunun da ölkənin dini və mədəni inanclarına uyğun gəlmədiyi göstərilib.
Qeyd edək ki, “barbie ABŞ nümayişində 536,3 milyon dollar, dünya üzrə isə 1,8 milyard dollar gəlir əldə edib.