“Məktəblərdə Azərbaycan dilində tədris olunan fənnlərin sayı artırılacaq”

“Növbəti tədris ili üçün ən vacib istiqamətlərdən biri əsasən rus bölmələrində və tədris digər dillərdə aparılan məktəblədə Azərbaycan dili tədrisinin prioritetləşməsi və diqqətin artırılmasıdır” .

1news.az xəbər verir ki, bunu Elm və təhsil naziri Emin Əmrullayev yeni tədris ili ilə bağlı mətbuat konfransında deyib.

“Bununla bağlı işimizi 3 istiqamətdə aparacağıq. İlk olaraq xarici dildə tədris aparılan siniflərdə Azərbaycan dili dərslərinin saatları artırılacaq. 2-ci istiqamətimiz ondan ibarətdir ki, müvafiq fənləri, hansı ki, Azərbaycan tarixini, Azərbaycan ədəbiyyatını başqa dillərə tərcümə etməyin mənası yoxdur. Azərbaycanlı uşaq bu fənləri Azərbaycan dilində öyrənməlidir, o cümlədən Azərbaycan müsiqisi və Azərbaycan mahnılarını da Azərbaycan dilində öyrənmək lazımdır. Bu mənada bu istiqamətdə Azərbaycan dilində dərslərin sayı artırılır. O cümlədən Zəfər Tarixi bütün siniflərdə Azərbaycan dilində tədris olunur. Eyni zamanda hərbi hazırlıq dərsləri Azərbaycan dilində tədris olunacaq, Azərbaycan Ordusunun dili Azərbaycan dilidir və ona görə uşaqlar Azərbaycan dilində ünsiyyət qurmağı öyrənməlidir. 3-cü istiqamət isə məktəblərdə Azərbaycan dili ilə bağlı monitorinqlər keçiriləcək”.