Nazir: “Azərbaycan tarixi”nin Azərbaycan dilində tədris olunması ilə bağlı 100 məktəbdə pilot layihə həyata keçiriləcək”

“Bizim kompromis edə bilməcəyimiz bir məsələ var ki, Azərbaycan məktəbini bitirən uşaq, fərqi yoxdur hansı dildə tədris alır, Azərbaycan dilini yaxşı bilməlidir” .

Bunu Elm və təhsil naziri Emin Əmrullayev yeni tədris ili ilə bağlı mətbuat konfransında 1news.az-ın əməkdaşının sualına cavab olaraq deyib.

“Biz həftədə 3 dəfə Azərbaycan dilində dərs tədris edirik. Adam 11 ildə həftədə 3 dəfə Azərbaycan dilində dərs keçirsə, Azərbaycanda yaşayırsa, küçəyə çıxırsa, məktəbi bitirəndə, 17 yaşında Azərbaycan dilində yaxşı danışa bilmirsə, məncə problem bizdə axtarılmalı deyil. Problemi onda axtarmaq lazımdır ki, bu adam niyə illər ərzində bu dili öyrənməyib? Bi məktəbdə elə bir mühit yaratmaq istəyirik ibarətdir ki, azərbaycanlı, Azərbaycanda yaşayan adam öz tarixini Azərbaycan dilində öyrənsin. Bu il 100 məktəbdə pilot layihə olaraq “Azərbaycan tarixi” fənni Azərbaycan dilində tədris olunacaq. Əgər bu da özünü doğruldarsa, növbəti tədris ilindən bütün məktəblərdə “Azərbaycan tarixi” fənni Azərbaycan dilində tədris olunan bilər. Bundan başqa, Nəsimini, Bəxtiyar Vahabzadəni, Səməd Vurğunu tərcümə edib Azərbaycan məktəblisinə keçmək məntiqli deyil. Bu istiqamətdə işlərimiz davam edəcək. Biz Azərbaycanda fərqli dillərdə tədrisə qarşı deyilik. Amma eyni zamanda istəyirik azərbaycanlı uşaqlar Azərbaycanın dövlət dilini yaxşı mənimsəsin.