“Tiktok” ilə əməkdaşlıq çərçivəsində keçirilən proqramın qalibləri elan olunub | 1news.az | Xəbərlər
Cəmiyyət

“Tiktok” ilə əməkdaşlıq çərçivəsində keçirilən proqramın qalibləri elan olunub

Qafar Ağayev16:31 - 29 / 11 / 2023
“Tiktok” ilə əməkdaşlıq çərçivəsində keçirilən proqramın qalibləri elan olunub

İnnovasiya və Rəqəmsal İnkişaf Agentliyinin “TikTok” platforması ilə birgə əməkdaşlığı çərçivəsində həyata keçirilən “TikTok Startup Academy” proqramının qalibləri müəyyən olunub.

Agentlikdən 1news.az-a verilən məlumata görə, 28 noyabr 2023-cü ildə keçirilən yekun tədbirdə Özbəkistandan 16 və Azərbaycandan 16 olmaqla final mərhələsinə keçmiş startaplar seminar, “piçinq” və netvörkinq imkanları ətrafında bir araya gəliblər. Tədbirdə iştirak edən İRİA və Özbəkistandan nümayəndələr, “TikTok” rəsmiləri və Azərbaycanda texnologiya, biznes istiqamətində məzmun yaradan blogerlər çıxış ediblər. Maarifləndirici sessiyada startaplara “TikTok” platformasında effektiv biznes strategiyaları haqqında seminarlar keçirilib.

Tədbirdə daha sonra “piçinq” sessiyasına seçilmiş 8 startap öz marketinq strategiyalarını auditoriyaya təqdim ediblər. Təqdimatların sonunda Azərbaycandan və Özbəkistandan toplam 6 startap qalib olaraq elan edilib. Belə ki, Azərbaycandan “BonPara”, “SpeakDay”, “MovementApp” startapları, Özbəkistandan “Tahrirchi”, “Sugurta Bozor”, “Beautify” startapları qalib olub. Onların hər biri “TikTok” platformasındakı marketinq investisiyası üçün 2.000 ABŞ dolları məbləğində mükafat əldə ediblər.

Qeyd edək ki, 30 oktyabr tarixindən elan olunan proqrama müraciət onlayn formada həyata keçirilib. Startapların minimum işlək məhsul (MVP) səviyyəsində olması və qlobal bazara çıxış üçün strateji plana sahib olması əsas meyarlar olaraq qeyd olunub. Bu meyarlara cavab verən 16 startap seçim mərhələsindən keçərək finala vəsiqə qazanıb.

“TikTok Startup Academy” proqramı Azərbaycandan və Özbəkistandan olan startaplara dəstək vermək, onları “TikTok” sosial şəbəkəsi vasitəsilə rəqəmsal mənzərədə inkişaf üçün gücləndirmək məqsədi daşıyır. Proqram iştirakçılara marketinq strategiyaları ilə bağlı ekspert məsləhətlərindən faydalanmaqla yanaşı, məzmun yaratmaq üçün yeni və effektiv yollardan istifadəni də təşviq edir. İRİA ilə bu əməkdaşlıq qlobal brend olan “TikTok”un Azərbaycanda startapları dəstəkləməyə və onların “TikTok” platformasında uğurlarına töhfə verməyə sadiqliyini nümayiş etdirir.

Paylaş:
299

Son xəbərlər

Azərbaycan Prezidenti Küveyt Əmirinə məktub ünvanlayıbBu gün, 16:46Azərbaycan XİN Estoniyanı təbrik edibBu gün, 16:34Kəlbəcər istiqamətində mövqelərimiz yenidən atəşə tutulubBu gün, 16:12Xocalı itkinləri mövzusunda çəkilmiş “13” adlı bədii-sənədli filmin təqdimatı olubBu gün, 16:09Dohada Azərbaycan Mədəniyyəti Günləri çərçivəsində qala-konsert olubBu gün, 15:57Ramazan bayramı ilə əlaqədar iş və istirahət günlərinin yerləri dəyişdirilibBu gün, 14:48Ombudsman Xocalı soyqırımının törədildiyi ərazidən dünyaya səsləndi - VİDEOBu gün, 14:35Hadruta 30 il əvvəl götürdüyü gəlinciklə qayıtdı...Bu gün, 14:30Akif Əli Zadə “Azərbaycan Respublikası Prezidentinin fəxri diplomu” ilə təltif edilibBu gün, 14:03Xüsusi təyinatlılar şərti düşmənin yerləşdiyi yüksəkliyə basqın tapşırığını yerinə yetiriblər - VİDEOBu gün, 13:48Türkiyə-Azərbaycan Universiteti ilə bağlı yeni detallar açıqlanıbBu gün, 13:26Hərbi vəzifəlilər atəşin aparılması üzrə tapşırıqları icra ediblər - FOTOBu gün, 12:52Laçın hava limanından yeni görüntülər - VİDEOBu gün, 12:43MN-dəki 143 milyon manatlıq mənimsəmə ilə bağlı məhkəmə: “70 faizini vermişəm, 30 faizi mənə qalıb”Bu gün, 12:30Bazar günü hava necə olacaq? - ProqnozBu gün, 12:19“Qəbələ”nin baş məşqçisi istefa veribBu gün, 12:10İranlı narkotacirlərin ölkəmizdəki növbəti narkokuryeri saxlanılıbBu gün, 11:55Azad olunan ərazilərdə indiyədək aşkarlanan kütləvi məzarlıqların sayı açıqlandıBu gün, 11:42Zakir Həsənov müşavirə keçirib, bölmələrin döyüş hazırlığının yüksəldilməsini tapşırıbBu gün, 11:2214 dərəcəyədək şaxta olub - FAKTİKİ HAVABu gün, 11:22
Bütün xəbərlər