Yaponiyada zəlzələdə xəsarət alanların sayı 460 nəfəri ötüb - YENİLƏNİB

Yaponiyada baş verən zəlzələ nəticəsində 92 nəfər ölüb, 464 nəfər yaralanıb, 16 nəfər isə itkin düşüb.

1news.az Yaponiya KİV-ə istinadən xəbər verir ki, bu barədə Tokioda keçirilən mətbuat konfransında Yaponiya hökumətinin baş katibi Yosimasa Hayasi bildirib. Onun sözlərinə görə, hökumət 242 nəfərin taleyindən hələ də xəbərsizdir. Yaponiya hökuməti zəlzələlərdən zərər çəkənlərə 47,4 milyard yen (32,7 milyon ABŞ dolları) yardım ayıracaq.
Xatırladaq ki, bu ilin ilk günündən Yaponiyada ardıcıl zəlzələlər baş verib. Onlardan ən güclüsü ocağı yerin üst səthinə çox yaxın olan və 7,6 maqnitudalı olanıdır. Yeraltı təkanların əsas hissəsinin maqnitudası 4,5-5,7 olub.

Zəlzələlər ölkənin şimaldan cənuba doğru bütün qərb sahilləri, daha sonra İsikava prefekturasında 2011-ci ildən bəri ilk dəfə böyük sunami xəbərdarlığına səbəb olub.

09:13

Yaponiyada baş verən zəlzələ nəticəsində ölənlərin sayı 91-ə çatıb.

1news.az xəbər verir ki, bu barədə regional hakimiyyət orqanları məlumat verib.

Qeyd olunub ki, 179 nəfərin taleyi məlum deyil.

250-dən çox sakin xəsarətlər alıb.

Yaponiya özünümüdafiə qüvvələrinin də cəlb olunduğu fəlakət bölgəsində axtarış-xilasetmə əməliyyatı davam edir. Yanvarın 4-də xilasedicilər dağıntılar altında 72 saatdan çox qalan yaşlı qadını çıxarıblar.

Zəlzələdən ən çox İşikava prefekturası zərər görüb.

İlkin məlumata gör, təbiət hadisəsi zamanı 250-dən çox ev dağlıb, yanğınlar isə daha 200 binanı məhv edib.

Xatırladaq ki, yanvarın 1-də Yaponiyada 7,6 maqnitudalı zəlzələ olub, qərb sahillərini sunami vurub.