Autizmli gənclərdən ibarət xor və ritm qrupu Leyla Əliyevaya mahnı həsr ediblər - VİDEO
"Birgə və Sağlam" İctimai Birliyinin autizmli gənclərdən ibarət "Mavi Ürəklər" xor və ritm qrupu Heydər Əliyev Fondunun vitse-prezidenti Leyla xanım Əliyevanın doğum gününü özünəxas şəkildə təbrik edib.
Belə ki, qrup Leyla Əliyevaya həsr edilmiş "Leyla" mahnısını ərsəyə gətirib. Söz və musiqisi qrupun bədii rəhbəri Arzu Səmədqızı tərəfindən yazılan mahnı qrupun solistləri Nuray Eynallı, Kənan Məmmədov və qrupun digər üzvləri tərəfindən səsləndirilib.
Leyla xanımın autizmli uşaq və gənclərə göstərdiyi mənəvi dəstəyə ithafən bəstələnmiş mahnıya qrup üzvlərinin iştirakı ilə klip də çəkilib. Tanınmış rejissor Cəlal Kəngərlinin çəkdiyi klip Kengerli Media Mərkəzi, Xəzər Media Mərkəzi, Ajour Events Group, Azərbaycan Dövlət Akademik Filarmoniyası və L. və M.Rostropoviçlər adına 21 saylı 11 illik orta ixtisas musiqi məktəbinin dəstəyi ilə ərsəyə gəlib.
Autizmli şəxslər möhtərəm Leyla xanım Əliyevanı ürəkdən təbrik edir, ona can sağlığı, uzun ömür arzulayır və göstərdiyi mənəvi dəstəyə görə sonsuz minnətdarlığını bildirirlər.
