Azərbaycan Qran-prisi: "Formula 1"də üçüncü sərbəst yürüş başa çatıb - YENİLƏNİB
"Formula 1" üzrə Azərbaycan Qran-prisində üçüncü sərbəst yürüş başa çatıb.
1news.az APA-ya istinadən xəbər verir ki, "Mercedes" pilotu Corc Rassell yürüşü lider olaraq tamamlayıb.
"Ferrari"dən Şarl Lekler ikinci, "McLaren"dən Lando Norris üçüncüdür.
12:59
Bakıda keçirilən "Formula 1" üzrə Azərbaycan Qran-prisində üçüncü sərbəst yürüş başlayıb.
1news.az-ın "Report"a istinadən məlumatına görə, mübarizəyə saat 12:30-da start verilib.
Ötən gün ilk test yürüşündə "Red Bull" pilotu Maks Ferstappen, ikinci sınaq yürüşündə isə "Ferrari" sürücüsü Şarl Lekler ən yaxşı nəticəni göstəriblər.
Bu gün "Formula 2"də sprint yarışı və birinci dərəcəli pilotların sıralama turu da gerçəkləşəcək.
Qeyd edək ki, Bakıdakı yarış sentyabrın 15-də başa çatacaq.
