Tramp qələbə qazandığını elan edib

Respublikaçılar Partiyasının namizədi Donald Tramp ABŞ prezident seçkilərində qələbə qazandığını elan edib.

1news.az-ın məlumatına görə, Tramp brifinqdə “tarix yazdıqlarını” bildirib və “47-ci Prezidentinizi seçdiyiniz üçün sizə təşəkkür edirəm” deyə qeyd edib. O, misilsiz qələbə qazandığını və bütün problemləri həll edəcəyini vurğulayıb.

Nümayəndələr Palatasının spikeri Mayk Conson da Trampın qələbəsini təsdiqləyib. “Fox News” Trampın 277 seçici səsi topladığını, “The Hill” isə qələbəni qeyd edib. “The New York Times” isə Trampın prezident olma ehtimalını 95% proqnozlaşdırır.

Qeyd edək ki, səslərin sayılması hələ də davam edir.