“Gürcü Arzusu” partiyası prezidentliyə namizədinin adı bəlli oldu
Gürcüstanın hakim “Gürcü Arzusu” partiyası prezidentliyə namizədin adını açıqlayıb.
1news.az xəbər verir ki, bu barədə partiyanın qurucusu Bidzina İvanişvili Siyasi Şuranın iclasından sonra açıqlama verib.
O, bildirib ki, “Gürcü Arzusu” partiyası Mixail Kavelaşvilinin namizədliyini irəli sürüb.
Kavelaşvili 11-ci çağırış parlamentin deputatıdır və daha əvvəl “Gürcü Arzusu” partiyasından ayrılaraq “Xalq Hakimiyyəti” partiyasına qoşulmuşdur. Prezident seçkiləri 14 dekabrda keçiriləcək.
29
