Cənubi Koreyada hərbi vəziyyət rejimi ləğv olunub
Dekabrın 3-dən 4-nə keçən gecə Cənubi Koreyada fövqəladə hərbi vəziyyət rejimi qısa müddət sonra ləğv edilib.
1news.az xəbər verir ki, bu qərar ölkə parlamentinin Prezident Yun Sok Yoldan hərbi vəziyyətin ləğv olunmasını tələb edən qətnamə qəbul etməsindən sonra həyata keçirilib.
Parlamentin qərarına əsasən, Prezident Yun Sok Yol kabinetin iclasını keçirərək hərbi vəziyyətin aradan qaldırılması barədə razılıq əldə edib. Nəticədə, dekabrın 4-də yerli vaxtla səhər saat 4:30-da Prezident hərbi vəziyyətin ləğv edildiyini elan edib. Küçələrə çıxarılmış ordu geri çəkilib və beləliklə, ölkədə təxminən 6 saat davam edən hərbi vəziyyət rejimi sona çatıb.
Xatırladaq ki, Prezident Yun Sok Yol dekabrın 3-də gecə saatlarında müxalifəti qiyam hazırlığında ittiham edərək fövqəladə hərbi vəziyyət elan etmişdi.
