Azərbaycanlı uşaqlar “Dostluq üçün futbol” beynəlxalq sosial proqramında təmsil olunacaq
Artıq “Dostluq üçün futbol” beynəlxalq uşaq sosial proqramının 7-ci sezonu başlayıb.
1news.az-ın verdiyi xəbərə görə, bu mövsüm də Azərbaycan bu beynəlxalq layihəyə qoşulacaq. İdman turnirində azərbaycanlı nümayəndələrin iştirakı planlaşdırılır.
Qeyd edək ki, UEFA Çempionlar Liqasının baş sponsorlarından biri "Qazprom” səhmdar cəmiyyətinin himayədarlığı ilə "Dostluq üçün futbol” beynəlxalq uşaq sosial proqramı 2013-cü ildən keçirilir. Layihə dünyanın müxtəlif millətləri, müxtəlif yaşlarında və müxtəlif fiziki imkanlarında olan gəncləri birləşdirir. Layihənin məqsədi – uşaq futbolunu inkişaf etdirərək uşaqlarda digər xalqlar və mədəniyyətlərə etiram və tolerantlığı tərbiyə etməkdir. İştirakçıların dəstəkləyib irəliyə apardığı əsas dəyərlər – dostluq, bərabərlik, ədalət, sağlamlıq, sülh, sədaqət, qələbə, ənənələr və şərəfdir.
Layihə çərçivəsində Dostluq və Futbol Beynəlxalq Gününə həsr olunmuş tədbirlər də keçiriləcək. Sülh, dostluq, bərabərlik və sağlam həyat tərzini təbliğ edən bu cür aksiyalar Avropa, Asiya, Afrika, Şimali və Cənubi Amerikada da keçirilir. Minlərlə uşaq və yeniyetmələr yoldaşlıq oyunlarında, açıq məşqlərdə, fleşmob, telemarafon və idman bayramlarında iştirak edir. İştirakçıları bütün dünyadan məşhur furbolçular, məşqçilər, aparıcı və artistlər dəstəkləyir.
Qeyd edək ki, ilk dəfə “Dostluq və Futbol Günü” “Qazprom”un beynəlxalq uşaq sosial proqramı “Dostluq üçün futbol” (Football for Friendship) çərçivəsində gənc səfirlər tərəfindən 2014-cü ildə FİFA və UEFA-nın dəstəyilə baş tutub. Həmin gün ümuminsan dəyələrini – bərabərlik, digər xalqların mədəniyyətlərinə hörmət və əmin-amanlıqda yaşamağı dəstəkləyən hər kəs qoluna göy-yaşıl dostluq bilərziyi taxıb. Bilərziyin göy rəngi sülh səmasını, yaşıl isə - hər kəsə əlçatan futbol meydançasını simvolizə edir.
Xatırladaq ki, 2017-ci ildə Azərbaycanı təmsil edən Rəvan Kazımov turnirin qaliblərindən biri olub. Layihənin son mərhələsi isə İspaniyanın paytaxtı Madriddə baş tutacaq.
MFL “Dostluq üçün futbol” layihəsində ustad dərsləri keçəcək – FOTO
“Dostluq üçün futbol” turnirində azərbaycanlı nümayəndə qapıçı kimi çıxış edəcək – FOTO – VİDEO
Azərbaycanlı məşhur modelyer “Dostluq üçün futbol” layihəsini dəstəklədi – FOTO
S.Xankişiyeva
