1news.az

Dağ yürüşünə çıxmaq istəyənlərə şad xəbər

8 Oktyabr saat 16:24 ~ 1 dəqiqəlik oxu 95
Dağ yürüşünə çıxmaq istəyənlərə şad xəbər

Dövlət Turizm Agentliyi (DTA) dağ yürüşünə çıxmaq istəyənlər üçün yeni dağ marşrutları hazırlayır.

1news.az bildirir ki, bunu Trend-ə DTA-nın Turizm siyasəti və strategiyası şöbəsinin sektor müdiri Elgün Cavadov deyib.

Onun sözlərinə görə, hazırlanan marşrutlar əsasən, Qafqaz dağlarını əhatə edir: "Ərazinin həm Bakıya yaxınlığını, həm də infrastrukturunu nəzərə alaraq, hazırda Qafqaz dağları üzrə marşrutlar hazırlanır".

E.Cavadov qeyd edib ki, hazırda DTA tərəfindən dağ marşrutları üçün vahid işarələnmə sisteminin yaradılması istiqamətində də işlər aparılır: "Bununla bağlı ilk addımlar atılır. Vahid işarələnmə sisteminin yaradılması nəticəsində Qubada, yaxud Balakəndə dağ cığırından keçən turist eyni işarə sistemini görəcək. Bu işarələnmə sisteminə baxdıqda görmək mümkün olacaq ki, maşrutun uzunluğu nə qədərdir, onun təhlükəsizliyi üçün görülən tədbirlər nələrdən ibarətdir və s.".

DTA üçün ekoturizmin inkişafının əsas prioritet sahələrdən biri olduğunu deyən E.Cavadov əlavə edib ki, bu sahə Azərbaycana xarici turistlərin cəb olunmasında böyük əhəmiyyət kəsb edir.

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net