1news.az

Hulusi Akar: “Azərbaycan Ordusu müqəddəs vəzifəsini yerinə yetirdi”

21 Noyabr saat 14:51 ~ 1 dəqiqəlik oxu 2530
Hulusi Akar: “Azərbaycan Ordusu müqəddəs vəzifəsini yerinə yetirdi”

Türkiyənin Milli Müdafiə naziri Hulusi Akar Avropadan olan bəzi siyasətçilərin “Azərbaycan Ordusu Qarabağı dağıtdı” kimi fikirlərinə münasibət bildirib.

1news.az-ın məlumatına görə, nazir qeyd edib ki, bu barədə səslənən fikirlər həqiqətə uyğun deyil.

Hulusi Akar əlavə edib ki, Azərbaycan Ordusu Qarabağda beynəlxalq hüquqa zidd heç bir addım atmayıb: “Azərbaycan Ordusunun gördüyü iş 30 ildən bəri işğal altında olan torpaqlarının azad edilməsindən ibarətdir. Bunu hər kəs bilməlidir. Bu cür yanlış fikirlərlə Azərbaycan Ordusunu ittiham etmək yolverilməzdir. İnsanın vətənini qoruması, işğal altındakı torpaqlarını azad etməsi müqəddəs vəzifədir. Azərbaycan Ordusu da bunu etdi. Ancaq Ermənistan Ordusu bütün dünyanın gözü qarşısında Azərbaycanın yaşayış məntəqələrini və şəhərlərini açıq şəkildə bombaladı. Bütün dünya bunu gördü, amma bəziləri hələ də kor, hələ də kardır. Bunu görməyənlərin müasirlik, insan haqları, demokratiya və bitərəflikdən danışması mümkün deyil”.

1news.az

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net