1news.az

“İtaliya, Azərbaycan səninlədir!” – Bakı Media Mərkəzindən İtaliyaya dəstək VİDEOSU

31 Mart saat 20:27 ~ 1 dəqiqəlik oxu 454
“İtaliya, Azərbaycan səninlədir!” – Bakı Media Mərkəzindən İtaliyaya dəstək VİDEOSU

Dünya üzrə koronavirusa (COVID-19) yoluxma halının sürətlə artması və problemin aktullağını nəzərə alaraq Bakı Media Mərkəzi, sosial məsuliyyəti çərçivəsində yeni video-çarx hazırlayıb.

1news.az-ın verdiyi xəbərə görə, video, hazırda dünya üzrə Covid-19 virusuna ən çox insanın yoluxduğu və dünyasını dəyişdiyi İtaliyaya həsr olunub.

İtaliya Azərbaycanın ən yüksək səviyyədə əlaqələrə malik olduğu ölkələrdəndir. Avropanın zəngin tarixə və mədəniyyətə malik ölkəsinin indi üzləşdiyi bu qorxulu vəziyyət Azərbaycanda da ürək ağrısı ilə izlənilir. Bu video çarxda pandemiya ilə ciddi mübarizə aparan Azərbaycanın və Azərbaycan vətəndaşlarının ,  dost İtaliya xalqına dəstəyi ifadə olunur.

İzləyicilər , skripka ustaları Rövşən Əmrahov, Nəzrin Aslanlı, pianoçu Səidə Tağızadə və tenor Fərid Əliyevin ifasında  italyanların sevilən musiqi əsərlərindən  biri, Cakomo Puççininin "Turandot" operasından "Nessun Dorma" ariyası təqdim olunur.  İtaliyanın məşhur futbol klublarının azərbaycanlı azarkeşlərinin də könüllü iştirakı və müşayəti ilə hazırlanan videonun sonunda  italyan dilində  “İtaliya, Azərbaycan səninlədir!” , “Evdə qalın!” , “ Hər şey yaxşı olacaq!” müraciətləri qeyd olunur. 

Məlumat üçün bildirək ki, video-çarx  Azərbaycanda Covid-19 virusunun geniş yayılması təhlükəsinə qarşı mübarizə çərçivəsində elan olunan karantindən əvvəl çəkilib.

Həmin videonu Bakı Media Mərkəzinin sosial şəbəkədəki səhifələrindən izləyə bilərsiniz:

Facebook: https://www.facebook.com/bakumediacenter/videos/2579714855577689/

Instagram: https://www.instagram.com/p/B-Z2GWVpBwn/

S.Xankişiyeva

 

 

 

 

 

 

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net