1news.az

Moldovanın nüfuzla saytında Tural Gəncəliyevin müsahibəsi yayımlanıb

15 Sentyabr saat 16:38 ~ 2 dəqiqəlik oxu 3090
Moldovanın nüfuzla saytında Tural Gəncəliyevin müsahibəsi yayımlanıb

Moldova Respublikasının nüfuzlu saytlarından olan locals.md saytı Azərbaycanın Dağlıq Qarabağ bölgəsinin azərbaycanlı icmasının rəhbəri, millət vəkili Tural Gəncəliyevin müsahibəsini yayımlayıb.

İcmadan 1news.az-a verilən məlumata görə, müsahibədə Tural Gəncəliyev diqqəti Ermənistanın təcavüzkar siyasətinə yönəldərək 30 ilə yaxındır ki, məhz rəsmi Yerevanın bu qeyri-kostruktiv siyasəti nəticəsində Ermənistan-Azərbaycan münaqişəsinin həll olunmamasının səbəblərini açıqlayır.

“Bütün dünya ölkələri Azərbaycan Respublikasının qədim əraziləri olan Dağlıq Qarabağ və ona bitişik 7 inzibati bölgənin Ermənistan tərəfindən işğal olunduğunu qəbul edir. Lakin Ermənistan işğal siyasətini gizlətmək üçün “öz müqəddəratını təyinetmə” ifadəsindən istifadə etməyə çalışır. Öz müqəddəratını təyinetmə hüququ yüz minlərlə azərbaycanlıya qarşı aparılan işğal və etnik təmizləmələr, habelə Xocalı şəhərində olduğu kimi günahsız vətəndaşların öldürülməsi ilə izah edilə bilməz” –deyə müsahibədə bildirilib.

Dağlıq Qarabağ bölgəsinin azərbaycanlı icmasının rəhbəri Tural Gəncəliyev qeyd edib ki, Ermənistan-Azərbaycan münaqişəsinin həlli ilə bağlı beynəlxalq təşkilatlar müvafiq qətnamələr qəbul etsələr də rəsmi Yeravan sənədlərə məhəl qoymur. “1993-cü ildə qəbul edilmiş BMT Təhlükəsizlik Şurasının Azərbaycan ərazilərinin işğalını tanıyan dörd qətnaməsi də münaqişənin hüquqi əsası kimi vacibdir. Təhlükəsizlik Şurası bu qətnamələrdə Ermənistan silahlı qüvvələrinin Azərbaycanın işğal olunmuş ərazilərindən dərhal və qeyd-şərtsiz çıxarılmasını tələb etdi və Dağlıq Qarabağı Azərbaycanın bir hissəsi kimi tanıdı. Bütün bunlara əlavə olaraq ATƏT, Avropa Şurası, İslam Əməkdaşlıq Təşkilatı, Qoşulmama Hərəkatı, Avropa Birliyi, NATO və s. daxil olmaqla çoxsaylı beynəlxalq təşkilatlar münaqişə ilə bağlı qətnamələr qəbul etdilər. Çox vacib hesab etdiyim bir xüsusi sənədi vurğulamaq istərdim - bu, Avropa İnsan Hüquqları Məhkəməsinin 2015-ci il tarixli “Çıraqov başqalarına qarşı” məhkəmə işində verdiyi qərardır. Məhkəmə bu sənəddə Ermənistan Respublikasının işğal olunmuş Azərbaycan torpaqlarında insan hüquqlarının pozulmasına görə cavabdeh olduğuna qərar verdi. Düşünürəm ki, bu sənədlərdən sonra işğalçı ölkənin kim olduğuna şübhə olmamalıdır”.

İcma rəhbəri müsahibəsində Dağlıq Qarabağın tarixi azərbaycan torpaqları olduğunu faktlarla qeyd edərək Ermənistan tərəfindən orda aparılan etnik təmizləmə siyasətini oxucuların diqqətinə çatdırıb.

Məqaləyə keçid : https://locals.md/2020/tural-gyandzhaliev/

Qafar Ağayev

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net