1news.az

Naqif Həmzəyev: “Prezidentimiz mötəbər tribunadan düşmənlərimizə xəbərdarlıq mesajı ötürdü”

25 Sentyabr saat 17:40 ~ 2 dəqiqəlik oxu 3600
Naqif Həmzəyev: “Prezidentimiz mötəbər tribunadan düşmənlərimizə xəbərdarlıq mesajı ötürdü”

Məlum olduğu kimi, sentyabrın 24-də BMT Baş Assambleyasının 75-ci sessiyasının ümumi debatları keçirilib.

Azərbaycan Respublikasının Prezidenti İlham Əliyev ümumi debatlarda videoformatda çıxış edib. Ölkə başçısı çıxışları zamanı bir çox məqamlara toxunub. Belə ki, sessiyada Ermənistanın Azərbaycana qarşı təcavüzkar siyasətindən, Ermənistanın  BMT Təhlükəsizlik Şurasının qətnamələrinə məhəl qoymamağından və Ermənistanın Azərbaycana qarşı digər təxribatçı əməllərindən danışaraq, dünya ictimaiyyətinin nəzərinə çatdırıb. Prezident İlham Əliyev daha sonra Azərbaycanda koronavirus pandemiyasının artmasının qarşısını almaq üçün görülən tədbirlərdən danışıb.

Məsələ ilə bağlı 1news.az-a danışan Milli Məclisin deputatı Naqif Həmzəyev bildirib ki, Prezident İlham Əliyevin ilk sıralarda çıxış edən prezidentlərdən olması həqiqətən hər bir azərbaycanlı üçün qürurverici oldu:

“Cənab Prezidentin çox maraqlı fikirlərini eşitdik. Xüsusilə də vurğulamalıyam ki, son dövrlərdə möhtərəm cənab Prezidentimiz müxtəlif beynəlxalq platformalarda Azərbaycan həqiqətlərini çatdırır və dünya ictimaiyyəti şükürlər olsun ki, nəhayət, Azərbaycanın həqiqətlərini qəbul etmək və Azərbaycanın işğal altında olan torpaqlarının ermənilər tərəfindən qeyd-şərtsiz azad olunması barədə fikirlər səsləndirirlər. Bütün bunların fonunda onu deyə bilərəm ki, möhtərəm cənab Prezidentimiz beynəlxalq təşkilatlarda çox maraqlı təklif və fikirlərlə çıxış edib və bu il də Qoşulmama Hərəkatının sədri kimi BMT-yə çağırış etdi və dünyanı həmrəyliyə, koronavirus pandemiyası ilə birgə mübarizəyə səslədi. Çox sevindirici haldır ki, cənab Prezidentimizin bu təşəbbüsü əksər dünya liderləri tərəfindən qəbul olundu”.

“Prezidentimiz bu mötəbər tribunadan videomüraciət edərək torpaqlarımızı işğal etmiş mənfur düşmənlərimizə xəbərdarlıq mesajı ötürdü və onlara bildirdi ki, biz torpaqlarımızın işğalı ilə heç zaman barışmayacayıq, bu torpaqların azad olunması üçün bütün vasitələrdən istifadə edəcəyik” – deyə, N.Həmzəyev fikirlərinə əlavə edib:

“Dünya ictimaiyyəti artıq ikili standartlarını dayandırmalıdır. Əgər dünya ictimaiyyəti və beynəlxalq təşkilatlar Azərbaycanın Avropa enerji təhlükəsizliyində oynadığı rolu qəbul edirsə və Azərbaycanı nəqliyyat dəhlizinin açarı olan ölkə kimi qəbul edirsə, Azərbaycan reallıqlarını qəbul etməli, torpaqlarımızın azad olunması üçün daim dəstək verməlidir. Düşünürəm ki, Cənab Prezidentimizin mesajlarından sonra Azərbaycanın bu haqq səsinə cavab verən ölkələrin sayı artacaq və Azərbaycan ordusu qısa bir müddətdə işğal altında olan torpaqlarımızı azad edəcək”.

Qafar Ağayev

 

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net