“Pandemiyanın yayılma təhlükəsi artır” - “Çıxışa doğru”da müzakirə – FOTO – VİDEO
Bu gün ölkəmizdə koronavirus infeksiyasına 1015 yeni yoluxma faktı qeydə alınıb, 483 nəfər isə sağalıb.
Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 9 nəfər vəfat edib.
Hazırkı dövrədək ölkəmizdə 53 min 152 nəfərin koronavirus infeksiyasına yoluxması faktı müəyyən edilib. Onlardan 42 min 516 nəfər müalicə olunaraq sağalıb, 708 nəfər vəfat edib. Aktiv xəstə sayı 9928 nəfərdir.
Ötən müddət ərzində 1 milyon 331 min 287 test aparılıb. Bugünkü test sayı isə 11813-dür.
Göründüyü kimi ölkəmizdə koronavirusa yoluxma sayı artan şkala üzrə davam edir. Bu hal dünya ölkələrində daha da acınacaqlı vəziyyətdədir.
1news.az-ın verdiyi xəbərə görə, AzTV-nin “Çıxışa doğru” verilişində “Pandemiyanın yayılma təhlükəsi artır” mövzusunda aparılan müzakirələr zamanı bu barədə ətraflı danışılıb. Verilişin qonaqları Milli Məclisin deputatı Sevil Mikayılova, tibb elmləri doktoru, professor Qurbanxan Müslümov, uzman doktor Aydın Talışinski və yazıçı-publisist Yunus Oğuz mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
S.Xankişiyeva
