“Qarabağ” Kiprdə APOEL-ə qalib gəldi – VİDEO

Çempionlar Liqasının 3-cü təsnifat mərhələsinə start verilib.

1news.az-ın məlumatına görə, mötəbər turnirdəki yeganə təmsilçimiz “Qarabağ” da növbəti matçına çıxıb. Qurban Qurbanovun yetirmələri Kiprdə APOEL-in qonağı olublar.

Kifayət qədər gərgin keçən qarşılaşmada ilk hissədə hesab açılmayıb.

Görüşün 54-cü dəqiqəsində Mahir Emreli komandamızı hesabda irəli çıxarıb. Maqaye Qeye 70-ci dəqiqədə hesab arasındakı fərqi iki topa çatdırıb.

Matçın son dəqiqələrində irəli atılan meydan sahibləri oyuna əlavə edilən sonuncu dəqiqədə qol vurmağı bacarıblar.

Beləliklə, səfərdə rəqibinə 2:1 hesabı ilə qalib gələn “Qarabağ” cavab qarşılaşması öncəsi növbəti mərhələyə çıxmaq şanslarını artırıb.

Qeyd edək ki, “"Qarabağ” Kipr klubunu mübarizədən kənarlaşdırsa, pley-off mərhələsində PAOK (Yunanıstan) - “Ayaks” (Hollandiya) cütünün qalibi ilə qarşılaşacaq. Dünən bu komandalar arasında Yunanıstanda keçirilən görüş 2:2 hesablı bərabərliklə başa çatıb.
 
6 avqust

Çempionlar Liqası

3-cü təsnifat mərhələsi
 
21:00. APEOL (Kipr) - "Qarabağ" (Azərbaycan) - 1:2
Qollar: Mahir Emreli, 54, Maqaye Qeye, 70, Merkis, 90+5
Hakimlər: David Massa, Fabiano Preti, Alberto Teqoni, Rosario Abisso (hamısı İtaliya).
Nikosiya. GSP stadionu.

1news.az