1news.az

Ukrayna müşahidə missiyası: Seçkilər Azərbaycanın Seçki Məcəlləsinə uyğun keçirildi

10 Fevral saat 13:00 ~ 1 dəqiqəlik oxu 193
Ukrayna müşahidə missiyası: Seçkilər Azərbaycanın Seçki Məcəlləsinə uyğun keçirildi

Ukrayna Parlamentinin müşahidə missiyası Azərbaycanda parlament seçkilərində keçirdikləri müşahidələrin nəticələrini açıqlayıb.

Missiya nümayəndəsi Valeriy Kolyux bildirib ki, Azərbaycanda keçirilən növbədənkənar parlament seçkiləri yüksək səviyyədə təşkil olunub: "Prosesə müxtəlif siyasi qüvvələrin və partiyaların təmsilçiləri qatılıb. Biz əhəmiyyətli pozuntu müşahidə etmədik. Yeganə problem deyərdim ki, hava şəraiti ilə bağlı idi. Lakin düşünürəm ki, bu, ümumi işə bir o qədər də maneə törətmədi. Seçkilər ümumiyyətlə Azərbaycanın Seçki Məcəlləsinə uyğun keçirildi. Bizim ölkədə keçirilən seçki ilə müqayisə etsək, görərik ki, bu proses çox oxşardır".

Ukrayna Parlamentinin nümayəndəsi Vladimir Kreydenko isə yerli müşahidəçilərin aktivliyini qeyd edib: "Hər bir məntəqə üzrə onlar tərəfindən seçki siyahısında olan seçicilərin adları və iştirak edənlərin sayının qeydiyyatı aparılıb".

S.Xankişiyeva

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net