1news.az

ÜST mövsümi zökəmlə koronavirus arasında fərqlərdən danışıb – VİDEO

5 Mart saat 10:17 ~ 3 dəqiqəlik oxu 4672
ÜST mövsümi zökəmlə koronavirus arasında fərqlərdən danışıb – VİDEO

Ümumdünya Səhiyyə Təşkilatı (ÜST) dünyada yayılan koronavirus Covid-19 və mövsümi zökəm arasında fərqləri açıqlayıb.

Yaxın günlərdə ÜST rəhbəri Tedros Qebreyesus brifinq zamanı bunları sadalayıb. Çıxışın mətni qurumun saytında yer alıb.

Mövsümi qrip və yeni koronavirus insandan insana hava-damcı yolu ilə keçir. Lakin sevindirici haldır ki, Covid-19 virusu insana mövsümi zökəm kimi asan keçmir.

“Əldə edilmiş məlumatlara əsasən, heç bir simptomları bilinməyən qrip virusunun daşıyıcıları koronovirusa nisbətən daha təhlükəlidir”.

ÜST-ün Covid-19 virusu ilə bağlı narahatlığı ondadır ki, insanların yeni virusa qarşı immunitetləri olmamasında, həmçinin hələlik infeksiyanın müalicə üsulu olmamasındadır. Lakin koronavirusun mövsümi qriplə müqayisədə ağırlaşmaları daha çox olur.

ÜST rəsmisi bildirib ki, Covid-19 virsusundan ölənlər mövüsmi qriplə müqayisədə 2,4%-dən artıqdır:

“Bütün dünyada rəsmi olaraq koronavirusa yoluxanların təxminən 3,4% öllə nəticələnib. Müqayisə üçün: mövsümi qripdən vəfat edənlərdən 1%-dən aşağıdır”.

Bununla yanaşı o qeyd edib ki, mövsümi zökəm halında mütəxəssislər xəstəliyin tutulmasına nəzarət etməsə də, koronavirusun qarşısını almaq üçün hər cür səy göstərirlər.

Qebreyesus əsas vəzifə kimi dünyada bütün tibbi heyət üçün lazımi qorunma təmin etməyi qeyd edib, belə ki, həmin şəxslər sağlamlıq və həyatlarını risk altına alaraq xəstələrlə daha yaxından təmasda olurlar. Bununla əlaqdar olaraq tibbi ləvazimatların – maska, əlçək, eynək və s. çatışmazlığını da vurğulayıb:

“Bu epidemiya sadəcə ÜST-ün və ya hansısa qurumun səyləri ilə qarşısı alına bilməz. Vəziyyət bütün ölkələrin tibb mütəxəssislərini qorumaq qabiliyyətini təmin etmək üçün birliyimizi tələb edir”.

Martın 4-nə olan məlumatlara əsasən, koronavirusa Covid-19 dünyada 93 158 nəfər insan yoluxub. Onlardan 3 198 nəfəri vəfat edib. 50 690 nəfər isə xəstəlikdən sağalıb. Ən çox epidemiyanın mərkəzi – Çində bu günə qədər 80 270 nəfər infeksiyaya yoluxub.

Hazırda Azərbaycanda 3 nəfərin virusa yoluxma halı qeyd olunub. İlk vəziyyət fevralın 28-də qeydə alınıb. Həmin gün karantinə alınanların sayı 224 nəfər təşkil edir.

Ölkədə infeksiyanın yayılmasının qarşısını almaq və profilaktik tədbirlər görülür. Xüsusilə, məktəblər, uşaq baxçaları, ümumi nəqliyyat vasitələri, aeroport ərazisi dezinfeksiya olunur. Martın 9-na qədər ölkə üzrə təhsil müəssisələrində dərslər müvəqqəti dayandırılıb, 9-cu siniflərin buraxılış imtahanı təxirə salınıb.

Nazirlər Kabineti yanında operativ qərargah yaradılıb. Həmçinin Qaynar Xətt də fəaliyyət göstərir: +994 (12) 492 41 61, +994 (12) 492 75 54, +994 (12) 505 03 30, + 994 (12) 505 13 33.

Həmçinin Azərbaycanda epidimioloji vəziyyətlə bağlı sualı olan vətəndaşlar İcbari Tibbi Sığorta üzrə Dövlət Agentliyinə müraciət edə bilər. Agentliyin çağrı mərkəzi fasiləsiz olaraq çalışır. Çağrı mərkəzinin nömrəsi 1542.

Bununla yanaşı, ÜST insanlar arasında təlaşa səbəb ola biləcək yalan məlumatların yayılmaması üçün rəsmi mənbələri izləməyə çağırıb. Təşkilatın saytında virusla bağlı sizləri narahat edən bütün suallar, infeksiyadan qorunma üsulları öz əksini tapıb.

Özünüzdən müğayat olun və sağlamlığınızı qoruyun!

Səyahət zamanı koronavirusdan necə qorunmalı: bunu hər kəs bilməlidir – FOTO – VİDEO

Azərbaycanda koronavirus təhlükəsi ilə əlaqədar qərargah fəaliyyətə başladı

“Panikaya” düşməyin: Koronavirusdan necə qorunmalı? – FOTO – VİDEO

Tərcümə: S.Xankişiyeva

 

 

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net