1news.az

Yeni batareya texnologiyası gəlir: Qrafen Batareyalar

24 Yanvar saat 16:59 ~ 2 dəqiqəlik oxu 745
Yeni batareya texnologiyası gəlir: Qrafen Batareyalar

Bildiyiniz kimi telefonlarda, notbuklarda və s. digər elektronik cihazlarda Li-ion və Li-Po batareyalar istifadə olunur.

Hal-hazırda istehsalçılar batareyaların ölçülərini artıraraq tutumlarını artırmağa çalışırlar, lakin bu halda daha çox yer lazım olduğu üçün cihazlar qalınlaşır. Ona görə də yeni texnologiyaya keçməyin zamanı gəldi. Qrafen maddədən hazırlanan yeni batareyalar daha sürətli şarj olur və daha çox enerji saxlayır.

ABŞ mənşəli bir firma Qrafen batareyaları satışa çıxarmağa hazırlaşır.

Real Graphene adlı şirkət yaxında batareya bazarına girəcəyini açıqladı. Qeyd olunan məlumata görə artıq bir çox şirkət bu batareyaları test etmiş və müsbət nəticələr əldə ediblər.  Qrafen texnologiyasında batareyalar daha sürətli şarj olur və daha çox enerji saxlaya bilirlər. Şirkət CEO-su olan Samuel Gong-un dediklərinə görə 3000 mAh həcmində batareya 0%-dən 100%-ə qədər sadəcə 20 dəqiqədə dola bilir. Bu standart Li-ion batareyalarda təxmini 70-90 dəqiqə arası olur.

Digər önəmli məsələ isə bu batareyaların daha uzun ömürlü olmasıdır. Hal-hazırki batareyaların ömürləri 300-500 dəfə şarj olunma qabilliyyəti arasında dəyişir. Qrafen batareyalarda isə bu 1500 dəfədən daha çox olur. Aradakı fərqi düşünə bilirsinizmi? Digər tərəfdən bu qədər sürətli dolmalarına baxmayaraq Li-ion batareyalar nəzərən çox daha az qızırlar. Mənfi cəhət olaraq isə bundan bəhs edə bilərik ki, Qrafen maddəsi istehsalı bahalı olan bir maddədir. Qrafen-dən hazırlanmış bir batareya qatı özü təkcə 25 dollara hazırlanır. 1 kq Qrafenin öz qiyməti isə 300 min dollardır. Hər batareyada çox az Qrafenin istifadə ediləcəyi planlansa da bu texnologiya elektronik cihazların qiymətini artıracaqdır.

1news.az

OXUCULARIN SEÇİMİ
REDAKSİYANIN SEÇİMİ
İqtisadiyyat BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net