ru

Azərbaycan futbolu

21 Yanvar saat 16:50

“MFL Carlsberg Biznes Liqası”nın II turu: “Avromed”dən darmadağın, “Go Sport” – “Norm Sement” oyununda səssizlik – FOTO – VİDEO

“MFL Carlsberg Biznes Liqası”nın II turu: “Avromed”dən darmadağın, “Go Sport” – “Norm Sement” oyununda səssizlik – FOTO – VİDEO

Azərbaycanın futbol üzrə ən böyük həvəskarlar liqası olan MFL tərəfindən ölkəmizdə fəaliyyət göstərən şirkətlər arasında keçirilən “MFL Carlsberg Biznes Liqası”nın 2-ci turunun oyunları keçirilib.

1news.az-ın verdiyi xəbərə görə, həm A, həm də B qruplarında çıxış edən komandalar arasında “MFL Arena”nın meydanlarında keçirilən görüşlərin əksəriyyəti gərgin mübarizə şəraitində keçib.

Qeyd edək ki, ilk turda A qrupunun və bütünlüklə ilk turun ən qollu qarşılaşması “Katsan Group” və JTİ komandaları arasında keçirilən görüşdə qeydə alınıb – 14 qol. Rəqibinə 8:6 hesabı ilə qalib gələn birincilər meydanı üç xalla tərk ediblər.

“Avromed”in rəqibi CES-i 6:0 hesabı ilə darmadağın etdiyi turda METAK – “Universal” görüşü xüsusilə gərgin mübarizə şəraitində keçib 6:6 hesablı bərabərliklə başa çatıb.

B qrupunun ən qollu qarşılaşması “Ruma Hotels” – “İSR Holding görüşündə qeydə alınıb – 10 qol. Rəqibinə 2:8 hesabı ilə qalib gələn holdinq təmsilçiləri sevinən tərəf olublar.

“Azersun” rəqibi “PalatYol”un qapısından 6 top keçirib. İkincilərin gücü yalnız təsəlli qoluna çatıb. “Go Sport” – “Norm Sement” görüşündə isə qapılara top vurulmayıb. Bu, turda “quru” hesabla başa çatan yeganə oyun olub.

Turun ən yaddaqalan məqamlarını və qısa icmalını təqdim edirik:

 

26 yanvar tarixində III tur çərçivəsində baş tutacaq oyunların cədvəlini təqdim edirik.

Qeyd edək ki, ölkəmizdə fəaliyyət göstərən şirkətlər arasında keçirilən “MFL Carlsberg Biznes Liqası”nın eksklüziv tərəfdaşı “Carlsberg” şirkətinin ölkəmizdəki təmsilçisi “Carlsberg Azerbaijan” şirkətidir. Turnirin təşkilati dəstəyi isə AFFA tərəfindən təmin edilir.

Öz qruplarında ilk 4 yeri tutan komandalar play-off oyunlarına vəsiqə qazanacaqlar. Burada isə komandalar 1/4 final və yarımfinalda qüvvələrini sınayacaqlar. Sona qalan iki komanda turnirin qalibi adı uğrunda həlledici final oyununa çıxacaq.

Turnirin qalibi adını qazanan komanda Türkiyə kubokunun final oyununu pulsuz izləmək imkanı əldə edəcək. Komandanın səfər, nəqliyyat və otel xərcləri “Carlsberg Azerbaijan” şirkəti tərəfindən qarşılanacaq.

Daha ətraflı məlumatı liqanın mfl.az, eləcə də 1news İnformasiya Agentliyinin 1news.az saytlarından əldə edə bilərsiniz.

1news.az

BÖLMƏDƏ YENİ

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News", İnformasiya Agentliyi
Bütün hüquqlar qorunur